Ońtústik-Qorasan (Iran) aýylsharýashylyq uiymy Irannyń soltústik-batysynda qurǵaqshylyq, sý tapshylyǵynyń saldaryn joiý maqsatynda 14 maýsymda, aýtsorsingke Qazaqstannyń 10 000 gektar aýylsharýashylyq jerlerin jalǵa alýdy josparlap otyrǵanyn málimdedi, - dep habarlaidy kaz.tengrinews.kz tilshisi "AGRObiznes" portalyna silteme jasap.
Agro-aýtsorsing basqa elde aýylsharýashylyq ónimderdi ósirý úshin satyp alý, lizing nemese jalǵa alýdy meńzeidi. Ósip bolǵannan keiin ónim jalǵa alýshy elge importtalady.
Iran álem boiynsha bidai men arpa ónimin óndirýde jaqsy kórsetkishterdi kósetkenine qaramastan, olar sý tapshylyǵyna tap bolýdyń aldyn alý joldaryn ázirlep jatyr. Olar aýtsorsing arqyly Kaspii óńirindegi kórshi elderden almaqshy. Sońǵy jyldarda bul ekinshi kelisimshart.
Irannyń aýylsharýshashylyq uiymynyń ókili Mohammad-Ali Biharridiń aitýynsha, birneshe aidan soń Ýkrainamen osyndai kelisimshart jasaý kózdelip otyr, sebebi Iranda aýylsharýashylyǵyna degen suranys artqan.
Buryndary osyndai kelisim Iran men Qazaqstan arasynda bolǵan, ol "Shekara syrtyndaǵy fermerlik" degen baǵdarlama aiasynda júzege asyp, ótken jyldyń maýsym aiynda uiymdastyrylǵan bolatyn. Kelisimniń eki maqsaty bar: aýylsharýashylyq qoryn nyǵaityp, bidai satyp alýdy azaitý.
Birneshe elde Iran shamamen 1 million gektar aýylsharýashylyq jerdi jalǵa alǵan.
