Irandyq aqparat quraldarynyń málimdeýinshe, sársenbi kúni tańerteń Tegerandaǵy parlament ǵimaratynyń ishinde oq atylyp, kúzet qyzmetkerleri jaralanǵan. Depýtat Elias Hazratidiń memlekettik telearnaǵa tapanshaly bir adam jáne "Kalashnikov" avtomatty eki adam parlamentke basa-kóktep kirgen aitqan. Zardap shekkenderdiń sany týraly árqily habar tarap jatyr. Basqa bir depýtat "parlamentke shabýyl jasaýshylardy qaýipsizdik qyzmetiniń jasaǵy qorshaýǵa aldy" degen.
Jergilikti aqparat quraldarynyń habaryna sáikes bir jarym saǵattan soń taǵy bir shabýyl Iran astanasynyń ońtústik shetindegi Aiatolla Homeini mavzoleiine jasalǵan. Bul orynda da birneshe adamnyń jaralanǵany aitylady. "Fars" aqparat agenttigi "mavzoleige úsh qarýly adam basyp kirdi" dep jazdy. Agenttiktiń habarlaýynsha, eki shabýylshy ziiarat etýshilerge oq atyp, bireýi ózin jaryp jibergen. Kúdiktilerdiń kim ekeni belgisiz, túr-sipattary da kórsetilmeidi.
Aiatolla Homeini 1979 jyly Iranda islam revoliýtsiiasyn jasap, teokratiialyq rejim ornatqan saiasatker. Ol 1989 jyly dúnie salǵan.
