يراندىق اقپارات قۇرالدارىنىڭ مەلٸمدەۋٸنشە, سەرسەنبٸ كٷنٸ تاڭەرتەڭ تەگەرانداعى پارلامەنت عيماراتىنىڭ ٸشٸندە وق اتىلىپ, كٷزەت قىزمەتكەرلەرٸ جارالانعان. دەپۋتات ەلياس حازراتيدٸڭ مەملەكەتتٸك تەلەارناعا تاپانشالى بٸر ادام جەنە "كالاشنيكوۆ" اۆتوماتتى ەكٸ ادام پارلامەنتكە باسا-كٶكتەپ كٸرگەن ايتقان. زارداپ شەككەندەردٸڭ سانى تۋرالى ەرقيلى حابار تاراپ جاتىر. باسقا بٸر دەپۋتات "پارلامەنتكە شابۋىل جاساۋشىلاردى قاۋٸپسٸزدٸك قىزمەتٸنٸڭ جاساعى قورشاۋعا الدى" دەگەن.
جەرگٸلٸكتٸ اقپارات قۇرالدارىنىڭ حابارىنا سەيكەس بٸر جارىم ساعاتتان سوڭ تاعى بٸر شابۋىل يران استاناسىنىڭ وڭتٷستٸك شەتٸندەگٸ اياتوللا حومەيني ماۆزولەيٸنە جاسالعان. بۇل ورىندا دا بٸرنەشە ادامنىڭ جارالانعانى ايتىلادى. "فارس" اقپارات اگەنتتٸگٸ "ماۆزولەيگە ٷش قارۋلى ادام باسىپ كٸردٸ" دەپ جازدى. اگەنتتٸكتٸڭ حابارلاۋىنشا, ەكٸ شابۋىلشى زييارات ەتۋشٸلەرگە وق اتىپ, بٸرەۋٸ ٶزٸن جارىپ جٸبەرگەن. كٷدٸكتٸلەردٸڭ كٸم ەكەنٸ بەلگٸسٸز, تٷر-سيپاتتارى دا كٶرسەتٸلمەيدٸ.
اياتوللا حومەيني 1979 جىلى يراندا يسلام رەۆوليۋتسيياسىن جاساپ, تەوكراتييالىق رەجيم ورناتقان ساياساتكەر. ول 1989 جىلى دٷنيە سالعان.
