Iran óz tarihynda tuńǵysh ret qazaq kúresinen medal jeńip aldy. Iran Islam Respýblikasynyń IRNA resmi aqparat agenttiginde osyndai material jariialandy, dep habarlaidy "Ult aqparat".
«100 kelige deiingi salmaqta óner kórsetken irandyq sportshy Iazdan-panah jartylai finalda qazaqstandyq qarsylasyna ese jiberip, qola medal jeńip aldy. Osylaisha ol Iran tarihynda birinshi bolyp qazaq kúresinen júldeger atandy.
15 jeltoqsanda Qazaqstanda qazaq kúresinen álem chempionaty bastalǵan bolatyn. Aqtóbe qalasynda ótip jatqan Álem chempionatyna 40-tan asa eldiń sportshylary qatysýda. Olardyń qatarynda Ýkraina, Grýziia, Aýstriia, Norvegiia, Estoniia, Frantsiia, Irlandiia, Germaniia, Pákistan, Ózbekstan, Iran, Ulybritaniia, Qyrǵyzstan, Úndistan, Litva, Sloveniia, Resei jáne basqalar bar.
Qazaq Kuresi — sporttyń eń ejelgi túrleriniń biri. Ol búginde tek Qazaqstan ǵana emes, basqa da elderde tanymal. 2016 jyly UNESCO qazaq kúresin adamzattyń materialdyq emes mádeni muralarynyń qataryna engizdi», - dep jazady IRNA.
Eske sala keteiik, keshe Aqtóbe qalasynda Táýelsizdik kúnine orai uiymdastyrylǵan qazaq kúresinen álem chempionaty bastaldy. Jeksenbi - jarystyń birinshi kúninde 55, 60, 90, 100 jáne 100 keliden joǵary salmaq boiynsha jeńimpazdar anyqtaldy. Aqtyq synǵa qazaqstandyq úsh balýan shyqty. Olardyń qatarynda Dáýlet Nietbai (55 keli), Nurym Sálimgereev (100 keli) jáne Rýslan Ábdirazaqov (100 keliden joǵary) bar. Úsh sportshymyz da «altynnan» alqa taqty.
Qazaq Kuresi halyqaralyq federatsiiasy uiymdastyrǵan chempionattar tarihynda alǵash ret tóreshiler quramyna Qyrǵyzstannan kelgen áiel tóreshi qosyldy. Jarystyń bas tóreshisi - Qazaqstan Respýblikasynyń halyqaralyq dárejedegi sport sheberi, Qazaqstan Respýblikasynyń eńbek sińirgen bapkeri, PhD doktor Erbol Myrzabosynov.
Qazaq Kuresi halyqaralyq federatsiiasy sportshylardy altyn, kúmis, qola medaldan bólek, úzdik tehnika, ádemi laqtyrý jáne 2019 jylǵy álem chempionatynda jeńiske jetý nieti úshin de marapattaidy.
