Iran HAMAS jetekshisiniń qazasyna jaýap retinde Izrailge soqqy jasamaq - The New York Times

Foto: New York Times

Iran Izrail aýmaǵyna soqqy jasaýǵa nietti. Tiisti buiryqty Irannyń rýhani jetekshisi Aiatolla Ali Hamenei berdi, dep jazady New York Times.

Hamenei sársenbi kúni tańerteń Tegeranda HAMAS basshysy Ismail Haniia óltirilgennen keiin kóp uzamai Ulttyq Qaýipsizdik Keńesiniń shuǵyl jinalysynda buiryq berdi, dep habarlady basylymǵa el basshylyǵynyń úsh joǵary laýazymdy ókili, olardyń ekeýi Islam revoliýtsiiasynyń saqshylar korpýsynyń (KSIR) músheleri.

Iran Haniianyń qazasyna Izraildi aiyptady.

«Osy áreketimen... sionistik rejim aýyr jazaǵa negiz daiyndady», - degen Aiatolla Hameneidiń sózin keltiredi Irna memlekettik aqparat agenttigi.

Óz kezeginde Iran prezidenti Masýd Pezeshkian X áleýmettik jelisinde óz eli «aýmaqtyq tutastyǵyn» qorǵaitynyn jáne «terrorist basqynshylar óz áreketine ókinetinin» jazdy.