QR Prezidenti Qasym-Jomart Toqaevtyń tapsyrmasy boiynsha júzege asyrylǵan gýmanitarlyq aktsiia nátijesinde Irak túrmesinde óz analarynyń janynda jatqan 14 qazaqstandyq bala qaitaryldy, – dep habarlaidy «Ult aqparat».
«Olardyń analary sottalyp, terroristik áreketke qatysy úshin túrmede jazasyn ótep jatyr. Atalmysh gýmanitarlyq aktsiia balalardyń analary men týǵan-týystarynyń suraýy boiynsha uiymdastyryldy. Sharany Syrtqy ister ministrligi birqatar memlekettik organdarmen, otandyq úkimettik emes qurylymdarmen jáne halyqaralyq uiymdarmen tyǵyz bailanysa otyryp júzege asyrdy. Iraktyń biligine jáne osy aktsiiany júzege asyrýǵa atsalysqan barlyq tulǵalar men uiymdarǵa kórsetken kómegi men qoldaýy úshin shynaiy alǵysymyzdy bildiremiz» dedi elordada ótken baspasóz máslihatynda QR Syrtqy ister ministriniń orynbasary Erjan Ashyqbaev.
Qujattandyrý úderisi men ońaltý kezeńi aiaqtalǵannan keiin balalar óz týystarymen qaýyshady.
Eske sala ketsek, Iraktan Qazaqstanǵa balalardy qaitarý jumysy osy jyldyń basyndaǵy Tuńǵysh Prezident – Elbasy Nursultan Nazarbaevtyń bastamasymen iske asyrylǵan «Jýsan» gýmanitarlyq operatsiiasynyń jalǵasy bolyp otyr.
9 qazanda elordada ótken Eýropadaǵy qaýipsizdik jáne yntymaqtastyq uiymynyń (EQYU) Aýǵanstan boiynsha jiynynda QR Syrtqy ister ministri Muhtar Tileýberdi Qazaqstannyń Iraktan 14 balany qaitarý baǵytynda jumys júrgizip jatqanyn habarlaǵan.
«Irakta júrgen kishkentai qazaq balalaryn elge alyp kelemiz. Jaqyn arada bolýy kerek. Osy aidyń ishinde. Balalardyń shesheleri sottalyp, túrmede otyr. Sondyqtan, balalary jat elde qalmasyn dep, osyndaǵy týǵan-týystary ótinish bildirdi. Sol balalardy alyp kelemiz. Árine, buqaralyq aqparat quraldary ókilderin áýejaidan kútip alýǵa shaqyramyz» degen bolatyn Aibek Smadiiarov vedomstvoda ótken brifing barysynda.
