KSRO halyq ártisi jáne Resei Memlekettik dýmasynyń depýtaty Iosif Kobzonnyń ólimi jaiynda reseilik buqaralyq aqparat quraldary habarlap jatyr, dep jazady Sputnik.
Atap aitqanda, sýyt habar "Resei 1" jáne "Resei 24" telearnalarynda tarady.
Qazirgi tańda 80 jastaǵy ártistiń qaitys bolǵany resmi túrde rastalǵan joq, alaida jýrnalister derekkózderge silteme jasap otyr.
Shilde aiynyń sońynda BAQ-ta Kobzonnyń aýyr hálde aýrýhanaǵa túskeni habarlanǵan edi. Ol Máskeý onkologiialyq ortalyǵyna 20 shildede jatqyzylǵan.
Keiinirek tilshiler ánshiniń komaǵa túskenin habarlaǵanymen, ápkesi Gelena Kandel bul aqparatty teriske shyǵarǵan.
Resei Memlekettik Dýmasynyń depýtaty bolǵan Iosif Kobzon uzaq ýaqyt aýyr dertpen kúresip kelgen. Osydan 13 jyl buryn dárigerler ánshiniń aǵzasynan qaterli isikti anyqtaǵan. Ol 2005 jyly Germaniiada operatsiia jasatyp, sol kezden beri dárigerlerdiń muqiiat baqylaýynda bolǵan.
2010 jyly qazanda 73 jastaǵy Kobzon Astanada álemdik rýhani mádeniet forýmynda án shyrqap turyp eki ret esinen tanyp qaldy. Dárigerler sahna ústinde ánshige alǵashqy kómek kórsetken bolatyn. Ártis qaterli isik saldarynan, qan azdyq aýrýyna ushyrap, sahnada talyp qalsa kerek.
