كسرو حالىق ەرتٸسٸ جەنە رەسەي مەملەكەتتٸك دۋماسىنىڭ دەپۋتاتى يوسيف كوبزوننىڭ ٶلٸمٸ جايىندا رەسەيلٸك بۇقارالىق اقپارات قۇرالدارى حابارلاپ جاتىر, دەپ جازادى Sputnik.
اتاپ ايتقاندا, سۋىت حابار "رەسەي 1" جەنە "رەسەي 24" تەلەارنالارىندا تارادى.
قازٸرگٸ تاڭدا 80 جاستاعى ەرتٸستٸڭ قايتىس بولعانى رەسمي تٷردە راستالعان جوق, الايدا جۋرناليستەر دەرەككٶزدەرگە سٸلتەمە جاساپ وتىر.
شٸلدە ايىنىڭ سوڭىندا باق-تا كوبزوننىڭ اۋىر حەلدە اۋرۋحاناعا تٷسكەنٸ حابارلانعان ەدٸ. ول مەسكەۋ ونكولوگييالىق ورتالىعىنا 20 شٸلدەدە جاتقىزىلعان.
كەيٸنٸرەك تٸلشٸلەر ەنشٸنٸڭ كوماعا تٷسكەنٸن حابارلاعانىمەن, ەپكەسٸ گەلەنا كاندەل بۇل اقپاراتتى تەرٸسكە شىعارعان.
رەسەي مەملەكەتتٸك دۋماسىنىڭ دەپۋتاتى بولعان يوسيف كوبزون ۇزاق ۋاقىت اۋىر دەرتپەن كٷرەسٸپ كەلگەن. وسىدان 13 جىل بۇرىن دەرٸگەرلەر ەنشٸنٸڭ اعزاسىنان قاتەرلٸ ٸسٸكتٸ انىقتاعان. ول 2005 جىلى گەرمانييادا وپەراتسييا جاساتىپ, سول كەزدەن بەرٸ دەرٸگەرلەردٸڭ مۇقييات باقىلاۋىندا بولعان.
2010 جىلى قازاندا 73 جاستاعى كوبزون استانادا ەلەمدٸك رۋحاني مەدەنيەت فورۋمىندا ەن شىرقاپ تۇرىپ ەكٸ رەت ەسٸنەن تانىپ قالدى. دەرٸگەرلەر ساحنا ٷستٸندە ەنشٸگە العاشقى كٶمەك كٶرسەتكەن بولاتىن. ەرتٸس قاتەرلٸ ٸسٸك سالدارىنان, قان ازدىق اۋرۋىنا ۇشىراپ, ساحنادا تالىپ قالسا كەرەك.
