Foto: Kólik ministrligi
Qazaqstan Respýblikasy Kólik vitse-ministri Talǵat Lastaev pen Iordaniia Hashimit Koroldiginiń Qazaqstandaǵy Elshisi Hamza Ál-Omari kezdesý ótkizip, eki el arasyndaǵy áýe qatynasyn damytý máselelerin talqylady, dep habarlaidy Ult.kz.
Kezdesýde Iordaniianyń «Royal Jordanian» áýe kompaniiasynyń 2026 jyldyń maýsym aiynan bastap Qazaqstanǵa aptasyna eki ret tikelei reis ashý josparlary jariialandy. Qazaqstan tarapy bul bastamany qoldaýǵa jáne qajetti kómek kórsetýge daiyn ekenin málimdedi.
Sondai-aq, taraptar teńiz kemeleriniń ekipaj músheleriniń diplomdaryn ózara taný týraly kelisimge qol qoiý merzimderin belgiledi.
Bul bastamalar eki el arasyndaǵy saýda-ekonomikalyq jáne mádeni bailanystardy nyǵaitýǵa baǵyttalǵan mańyzdy qadam bolmaq.
