“Silikon jazyǵy” siiaqty sheteldik kompaniialardan úirenetinimiz kóp. Eger sony isjúzinde atqara bilsek, jetistikterge jetýge bolady. Bul týraly Antler kompaniiasynyń negizin salýshy, “Astana Hub” IT-startap halyqaralyq tehnoparkiniń” táýelsiz keńesshi Djozef Tsigler Almatyda jýrnalistermen kezdesý kezinde aitty.
Sheteldik keńesshiniń aitýynsha, Qazaqstan keleshekte innovatsiialyq ekojúie salasynda halyqaralyq kompaniialarmen yntymaqtasa jumys isteýin jalǵastyra bermek.
“Olarmen qazirdiń ózinde joǵary deńgeide jumys isteýdemiz. Sheteldik innovatsiialyq kompaniialarmen seriktestikte jumys isteý tiimdi, olardyń jańa startapshylarymen yntymaqtasa jumys isteý ary qarai dami túsý úshin qajet”,-deidi ol.
Sonymen qatar ol, erteń Almatyda ótetin forým sheteldik kóshbasshy kompaniialarmen túrli bailanystar ornatýǵa múmkindik beretindigi jetkizdi.
“Aityp ótkenimdei, olarmen yntymaqtasa otyryp Qazaqstannyń ekojúiesin damytýǵa, joǵary deńgeige kóterýge bolady. Qazir Qazaqstannyń startapy damýdyń alǵashqy kezeńin basynan ótkerýde. Ony damyta túsý úshin halyqaralyq kompaniialarmen kóbirek tájiribe almasý qajet, iaǵni jas startapshylarǵa baǵyt kórsetip, olardy úiretý kerek. Qazir biz osy kezeńdemiz, sondyqtan Qazaqstannyń ekojúiesin damyta túsýge áli ýaqyt qajet”,-deidi D. Tsigler.
Sóz arasynda ol 2018 jyldyń kúzinen bastap Astana habta jumys istep jatqanyn aitty.
“Alǵash Astanaǵa kelgenimde tehnopark bos jatyr edi, qazir túrli startaptar men innovatsiialyq joba iegerleri kelip tolysa bastady. Iaǵni, Astana habta qandaida bir qozǵalys bastaldy”, -dedi ol.
Sondai-aq ol, qazir qandai jobamen jumys istep jatqanyn da aityp berdi.
“Men kásipkermin, qazir “Bolashaqtyń qalasy” jobasymen jumys istep jatyrmyn. Bul joba tsifrly úkimet jaiynda, onda barlyǵy onlain rejimde bolady. Ol ózge de shet eldermen qosa Qazaqstanda da jumys isteitin bolady. Tsifrly úkimet Qazaqstanda damýy kerek, óitkeni munda turǵyzylyp jatqan jańa ǵimarattar jáne halyqtyń eńbekke degen súiispenshiligi meni odan ári yntalandyra túsýde”, -deidi sheteldik keńesshi.
Aita ketsek, erteń Almatyda “Jahandaný dáýirindegi tsifrlyq kún tártibi 2.0” atty forýmda EAEO múshe elderdiń Úkimet basshylary tsifrlandyrý máselelerin talqylaityn bolady.
baq.kz
.jpeg)