Qazaqstan Prezidenti Qasym-Jomart Toqaev Germaniiaǵa resmi sapary barysynda GFR-diń eks-kantsleri Gerhard Shriodermen kezdesti, dep habarlaidy "Ult aqparat" Aqordaǵa silteme jasap.
Qasym-Jomart Toqaev Germaniiaǵa resmi sapary barysynda GFR-diń eks-kantsleri Gerhard Shriodermen kezdesti. Kezdesý barysynda Qazaqstan men Germaniia arasyndaǵy yntymaqtastyqtyń aiasyn keńeitý jáne eki eldiń iskerlik bailanystaryn nyǵaitý múmkindikteri talqylandy.
– Germaniia álemde tórtinshi iri ekonomika bolyp sanalady. Alaida, bizdiń elge salynǵan investitsiia kólemi boiynsha 12-orynda. Qazaqstanǵa investor retinde keletin nemis kásipkerlerine arnaiy jeńildikter jasaýǵa niettimiz. Bizde arnaiy ekonomikalyq aimaqtar bar. Sondyqtan olarǵa erekshe jaǵdai jasaimyz, – dedi Qasym-Jomart Toqaev.
Gerhard Shrioder Qazaqstannyń investorlar tartýǵa baǵyttalǵan sharalaryna oń baǵa berip, ekonomikanyń naqty sektoryndaǵy birlesken biznes-jobalardy júzege asyrý jóninde óz usynysyn aitty. Belgili saiasi qairatkerdiń pikirinshe, Qazaqstan nemistiń iri kompaniialaryna ǵana kóńil bólip qoimai, sondai-aq, Germaniianyń shaǵyn jáne orta biznesiniń áleýetin de eskerýi qajet.
