Foto: ashyq derekkóz
Biyl 20 qyrkúiek kúni Reseide halyqaralyq mýzykalyq «Intervidenie – 2025» baiqaýynyń finaly ótedi. Qazaqstan atynan bul baiqaýǵa «Daryn» memlekettik jastar syilyǵynyń laýreaty, Amre laqap atymen tanymal ánshi Ernar Sadyrbaev qatysady, dep habarlaidy Ult.kz.
Ernar Sadyrbaev – T. Júrgenov atyndaǵy Qazaq ulttyq óner akademiiasynyń túlegi. Pop, pop-classic, latino jáne R&B baǵyttarynda oryndaityn ánshi halyqaralyq festivalder men baiqaýlardyń jeńimpazy.
2018 jyly Ernar Sadyrbaev Vitebsk qalasynda ótken «Slavian bazary» festivalinde birinshi oryn ielendi.
2021 jyly ol Qazaqstanda ótken «Maska» televiziialyq shoýyna qatysyp, kórermenniń súiispenshiligine ie boldy. Shoý barysynda Ernar «Búrkit» beinesinde óner kórsetip, erekshe yqylasqa bólendi.
Ánshiniń taǵy bir jeńisi – reseilik «Golos» jobasyna qatysýy. Bul shoýda ol Dima Bilannyń komandasyna qosylyp, finalǵa deiin jetti.
