Sońǵy ýaqyttary Qazaqstan men Qyrǵyzstandaǵy áleýmettik jelilerde kelinshektiń kishkentai balany sabaǵan videosy tarady. Videodaǵy áiel pyshaq ustap alǵan. Taiaýda Qazaqstan IIM resmi ókili Almas Sádýbaev videodaǵy áieldiń izdestirilip jatqanyn habarlaǵan. Al Qyrǵyzstannyń quqyq qorǵaý organdary jantúrshigerlik videojazbany teksergen. Kaktus.media qyrǵyz portalynyń redaktsiiasy shaǵyn zertteý júrgizip, videonyń Qyrǵyzstanda da, Qazaqstanda da túsirilmegenin anyqtapty. Olardyń aitýynsha, video - montaj emes.
"Jazba biyl 1 mamyrda túsirilgen, oqiǵa Perýde bolǵan. Alǵan jaraqatynan bala qaitys boldy. Balany sabap jatqan áiel onyń sheshesi. Kameraǵa ákesi túsirip turǵan", - dep jazady basylym.
Video perýdiń Iýngaio qalashyǵynda túsirilen. Jas ata-ana on ailyq balanyń máiitin politsiiaǵa ózi alyp kelgen. Olar balamyz qatty aýyrdy dep, aýrýhanaǵa barara jolda qaitys boldy dep málimdegen. Olar politsiiadan máiithanaǵa jiberetin qujat alý úshin kelgen.
Politseiler olarǵa arnaiy qujat bergen, alaida jaýap alý kezinde ata-ananyń qylmysqa qatysy bar dep kúdiktene bastaǵan. Sóitip, jantúrshiktirer video Perýde taralyp ketken. Bul jazbany kórgen politseiler qaskóilerdi qamaýǵa alǵan.
