Petropavl turǵyny internet arqyly avtokólik satyp almaq bolyp, 500 myń teńgesinen qaǵyldy, dep habarlaidy "Ult aqparat".
Soltústik Qazaqstan oblysy Politsiia departamenti baspasóz qyzmetiniń málimetinshe, Petropavldyń 40 jastaǵy turǵyny internet arqyly «Hyundai Sonata» avtokóligin satyp almaq bolady. Satýshynyń usynysymen aldyn ala 500 myń teńge tólem jasaidy. Aqsha qolyna túsisimen-aq alaiaq bailanysqa shyqpai qoiǵan.
Zardar shegýshiniń aitýynsha, «satýshy» oǵan basqa satyp alýshynyń paida bolǵanyn aitqan. Psihologiialyq tásildi qoldanyp, áieliniń emine shuǵyl qarajat qajettigin jetkizgen, sol úshin aldyn ala tólem jasaýdy suraǵan.
Atalǵan fakti «Alaiaqtyq» baby boiynsha Sotqa deiingi tergep-tekserýdiń biryńǵai tizilimine engizildi, jedel-izdestirý is-sharalary júrgizilip jatyr.
«Internet arqyly saýda jasaǵan kezde satylatyn zatty videoǵa túsirýdi suraǵan jón. Tekserý úshin naqty bir bólshekterdi kórsetýdi suraý qajet. Satýshy kúmán týdyratyn bolsa, aldyn ala tólem jasaýǵa kelispeý kerek», - deidi Petropavl qalalyq PB ekinshi politsiia bóliminiń bastyǵy Rýslan Syzdyqov.
Jalpy 2020 jyly SQO-da 495 internet-alaiaqtyq tirkeldi, onyń 171-i aldyn ala tólemdi talap etýmen bailanysty bolǵan.
