2020 jyly elordalyq politseiler internet-alaiaqtyq úshin 97 adamdy qylmystyq jaýapkershilikke tartyp, jábirlenýshilerge 100 million teńgelerin qaitaryp berdi, dep habarlaidy "Ult aqparat".
Elorda politsiiasynyń basshysy Erjan Sadenovtyń aitýynsha, onlain-saýdanyń pandemiia kezinde artqany baiqaldy. Iaǵni alaiaqtar internet jelisinde osy sátti paidalanǵan. Olardyń arasynda meditsinalyq betperdeler, antiseptikter, dári-dármekter, tondar, uialy telefondar, jihazdar jáne basqa da zattar satylady degen syltaýmen jasalǵan alaiaqtyqty ataýǵa bolady. Alaiaqtar olardyń bárin júzdegen jalǵan akkaýntpen áleýmettik jelilerdegi habarlandyrýlar arqyly satqan. Mundai internet-resýrstar keiinnen anyqtalyp, buǵattaldy.
Alaiaqtartyń kelesi toby ózderin bank qyzmetkeri retinde tanystyryp, bank kartalary bar adamdardan aldaý arqyly rekvizitterin jáne sms-parolderin bilip, osylaisha olardyń shottarynan aqsha jymqyrǵan. Osyndai áreketterden 300-den astam elordalyq zardap shekti.
«Ótken jyldyń ekinshi jartysynda «OLX» jáne «Kolesa» jeke habarlandyrý saittarynyń qoldanýshylary zardap shekti. Osy saittarda taýar satamyn degen azamattarǵa alaiaqtar jetkizý qyzmetin usynǵan. Eshteńeden kúdiktenbegen azamattarǵa saitqa uqsas siltemeni jiberip, bank kartasynyń rekvizitteri bar anketany toltyrýdy ótingen. Alaida, toltyrǵannan keiin qoldanýshylar paida túgil, jinaǵan qarajatynan da aiyrylǵan. Alaiaqtar kóbinese azamattardyń beiqamdyǵyn, sengishtigin jáne muqiiatsyzdyǵyn paidalanady. Olar shottan aqshalary alynǵan kezde ǵana baryp aldanǵanyn biledi», - dedi departamentten.
Osyǵan orai alaiaqtyq áreketterdiń aldyn alý úshin Nur-Sultan qalalyq politsiia departamenti:
- úshinshi tulǵalarǵa bank kartalarynyń rekvizitterin, CVV-kodty jáne paroldi bermeýdi;
- taýardyń bar-joǵyna jáne sapasyna kóz jetkizbeiinshe aldyn ala tólem jasaýdan bas tartýdy;
- onlain-nesielerdi resimdeýdi aldyn alý úshin bóten adamdarǵa derbes derekterdi bermeýdi;
- aqshany kóbeitý boiynsha kúmándi aktsiialarǵa qatyspaýdy;
- qyzmetterdiń shynaiylyǵyn tekserýdi (OLX-jetkizý, múlikti jalǵa alý, utystarǵa aqsha salý) usynady.
