Ishki ister ministrliginiń málimetinshe, búginde Qazaqstanda alaiaqtyq onyń ishinde internet arqyly alaiaqtyq qylmys azaimai tur.
Alaiaqtar tsifrlyq tehnologiia men áleýmettik jeliniń kómegin paidalaný arqyly túrli ádispen turǵyndardy arbaýyna túsirip jatyr. Osy oraida ministrlik alaiaqtarǵa aldanyp qalmaýdyń birneshe amalyn atady, dep habarlaidy QazAqparat.
«Birinshiden, bógde kisige jeke derekterdi bermeý kerek. Onyń ishinde jeke kýálik, bank kartasy jáne taǵy sol siiaqty. Kóp jaǵdaida azamattardyń jeke málimetterin bank nemese belgili bir kompaniianyń qyzmetkerimin dep tanystyryp bilip alady. Ekinshiden, internet arqyly tapsyrys jasaǵanda sait jumysynyń zańdylyǵyn tekserý qajet. Zattai almai, kórmei jatyp aldyn ala tólem jasamaý kerek. Sebebi, aqshany alyp alǵan soń, saittaǵy habarlandyrýdy óshire salady, nátijesinde zatta joq, aqsha da joq», - dedi QR IIM Kriminaldyq politsiia departamenti kiberqylmysqa qarsy kúres ortalyǵy basshysynyń mindetin atqarýshy Rústem Dúisetaev onlain ótken baspasóz máslihatynda.
Sondai-aq, ministrlik ókili tez tabysqa keneltemiz degen habarlandyrýdan aýlaq bolýǵa shaqyrdy.
«Búginde usaq qarjylyq mekemeler jumys isteidi. Olar turǵyndardy utysqa, investitsiia quiýǵa shaqyrady. Alaiaqtar sizge salǵan aqshańyz azdaǵan ýaqyttan soń birneshe esege kóbeiedi dep ýáde beredi. Sonymen qatar uialy telefon nemese elektrondy poshtaǵa kelgen belgisiz spam-habarlama, siltemelerdi ashýdyń qajeti joq. Ásirese, banktik derekterge kelgende saq bolǵan jón. Iaǵni bank kartasy, login, qupiia sóz taǵy sol siiaqty», - deidi ol.
