Foto: videodan skrinshot
Tanymal qazaqstandyq saiahatshy-bloger Dastan Muhamedrahimnyń videosyn Instagram-nyń resmi paraqshasy jariialady, dep habarlaidy Ult.kz.
Videony jariialaǵan resmi paraqsha jazbasynda Qazaqstannyń keń dalasy týraly jazylǵan.
"Frolicking in the fields of Kazakhstan (Qazaqstannyń keń dalasynda erkin serýendep júrmin)".
Instagram-nyń resmi paraqshasynyń 696 million jazylýshysy bar. Olardyń qatarynda Tsýkerberg pen basqa da tanymal tulǵalar bar. Qazaqstannyń ǵajaiyp tabiǵaty beinelengen rolik 37.5 millionnan astam qaralym jinady.
Aita keteiik, Dastan Muhamedrahim — Qazaqstannyń tabiǵi sulýlyǵyn álemge tanytyp júrgen saiahatshy-bloger. Onyń paraqshasynda Mańǵystaý oblysyndaǵy Bozjyra shatqaly, Altyn-Emel memlekettik ulttyq tabiǵi parki, sondai-aq Almaty oblysynyń kórikti jerlerinen túsirilgen beinejazbalar da bar.
