Batys Qazaqstan oblysynda er adam áieliniń Instagram-daǵy sýretterine laik basqan turǵyndy pyshaqtap, aýyr jaraqat keltirdi, dep habarlaidy ult.kz.
Sot málimetinshe, oqiǵa biyl mamyrda bolǵan. Áieliniń sýretterine qoiylǵan laiktarǵa bailanysty eki er adamnyń arasynda janjal týyndaǵan. Sottalýshy aldyn ala daiyndap ákelgen jinalmaly pyshaqpen jábirlenýshige úsh ret soqqy jasaǵan. Jaraqat saldarynan onyń densaýlyǵyna aýyr ziian kelgen.
Sotta kinásin tolyq moiyndap, ókingen er adam bas bostandyǵynan aiyrmaýdy suraǵan.
Sot ony kináli dep tanyp, úsh jylǵa shartty túrde bas bostandyǵynan aiyrý jazasyn taǵaiyndady. Úkim zańdy kúshine endi.
