باتىس قازاقستان وبلىسىندا ەر ادام ەيەلٸنٸڭ Instagram-داعى سۋرەتتەرٸنە لايك باسقان تۇرعىندى پىشاقتاپ, اۋىر جاراقات كەلتٸردٸ, دەپ حابارلايدى ult.kz.
سوت مەلٸمەتٸنشە, وقيعا بيىل مامىردا بولعان. ەيەلٸنٸڭ سۋرەتتەرٸنە قويىلعان لايكتارعا بايلانىستى ەكٸ ەر ادامنىڭ اراسىندا جانجال تۋىنداعان. سوتتالۋشى الدىن الا دايىنداپ ەكەلگەن جينالمالى پىشاقپەن جەبٸرلەنۋشٸگە ٷش رەت سوققى جاساعان. جاراقات سالدارىنان ونىڭ دەنساۋلىعىنا اۋىر زييان كەلگەن.
سوتتا كٸنەسٸن تولىق مويىنداپ, ٶكٸنگەن ەر ادام باس بوستاندىعىنان ايىرماۋدى سۇراعان.
سوت ونى كٸنەلٸ دەپ تانىپ, ٷش جىلعا شارتتى تٷردە باس بوستاندىعىنان ايىرۋ جازاسىن تاعايىندادى. ٷكٸم زاڭدى كٷشٸنە ەندٸ.
