Foto: psy.systems
Ózin biznes-trener retinde tanystyrǵan azamat elordanyń sengish azamattaryn aldady, dep habarlaidy Ult.kz.
Astana qalasy prokýratýrasynyń málimetterinshe qylmysker ózin onlain-saýda jáne satyp alý salasyndaǵy biznes-trener retinde tanystyryp, bolashaq klientterdi Instagram áleýmettik jelisi arqyly tartyp, onlain-saýdaǵa úiretý kýrstaryn usynǵan.
Oqytý aiaqtalǵannan keiin tyńdaýshylarǵa turmystyq tehnikany kóterme saýdalaýǵa qarjy salýdy usynyp, salynǵan qarajattyń 10%-y mólsherinde tabysqa ýáde bergen. Alaida, tólemdi alyp, ýáde etken sharttaryn oryndamai, klienttermen bailanysyn úzip, jasyrynǵan.
Memlekettik aiyptaýshy sottalýshynyń 50 mln teńgeden astam zalal keltirgen 10 epizodtan turatyn alaiaqtyq qylmysyn tolyq dáleldedi.
Sot úkimimen kinálige 5 jyl bas bostandyǵynan aiyrý jazasy taǵaiyndaldy.
Qala prokýratýrasy alaiaqtyq jasaǵany úshin múlkin tárkilei otyryp, 10 jylǵa deiin bas bostandyǵynan aiyrý túrindegi qylmystyq jaýapkershilik qarastyrylǵanyna nazar aýdarady.
