Kiikter men basqa da jabaiy janýarlardy oljalaýǵa kánikken birqatar qylmystyq top áshkere boldy. Bul týraly Ekologiia, geologiia jáne tabiǵi resýrstar ministrliginiń alqa májilisinde osy vedomstvonyń vitse-ministri Erlan Nysanbaev málim etti, dep habarlaidy QazAqparat.
«Ótken jyly janýarlar dúniesi nysandaryn saqtaý boiynsha tiisti sharalar qabyldandy. Inspektorlar kiikterge qaskóilik jasaýdyń 85 faktisin tirkedi. Kiikterdiń 727 ushasy men 9 743 múiizi tárkilendi. 71 adam qylmystyq jaýapkershilikke tartyldy, keltirilgen zalal 2,4 mlrd teńgeni qurady», - vitse-ministr.
Onyń aitýynsha, Ishki ister ministrligimen jáne Ulttyq qaýipsizdik komitetimen birlesip, «Kiik» tabiǵatty qorǵaý aktsiiasy júzege asyryldy. Onyń aiasynda aldyn alý is-sharalary jandandyrylyp, kiikter men basqa da jabaiy janýarlardy oljalaýǵa kánikken birqatar qylmystyq top áshkere boldy.
Erlan Nysanbaev 2021 jylǵa arnalǵan basym mindetterdiń qatarynda Qazaqstan Respýblikasynyń «Janýarlarǵa jaýapkershilikpen qaraý týraly» zań jobasynyń qabyldanýyn, sondai-aq janýarlar dúniesin saqtaý jáne ańshylyq sharýashylyqtaryn damytý jónindegi 2030 jylǵa deiingi master-jospardyń bekitilýin atady.
