Ál-Farabi atyndaǵy QazUÝ-da «Inkliýzivti bilim berý mamandaryn daiarlaý: strategiialar, tujyrymdamalar, tájiribe» atty Halyqaralyq ǵylymi-ádistemelik konferentsiia ótti.
Is-shara Ǵylym jáne joǵary bilim ministrliginiń «Qazaqstan Respýblikasyndaǵy inkliýzivti bilim berý salasyndaǵy ulttyq strategiia retinde erekshe bilim berý qajettilikteri bar stýdentterdiń kásibi ózin-ózi anyqtaýyn qalyptastyrý» jobasy sheńberinde uiymdastyryldy.
Konferentsiiaǵa inkliýzivti bilim berý tájiribesin damytatyn mamandar, ǵalymdar, psihologtar, pedagogtar, oqytýshylar, qoǵamdyq uiymdardyń ókilderi, áleýmettik-psihologiialyq ońaltý jáne psihologiialyq-pedagogikalyq qoldaý boiynsha arnaiy saladaǵy mamandardy daiarlaýdaǵy jetekshiler jáne bilim alýshylar men olardyń ata-analary qatysty.
QazUÝ-dyń Basqarma múshesi-akademiialyq máseleler jónindegi prorektor Lazzat Erkinbaeva plenarlyq otyrysty ashyp, konferentsiiaǵa moderatorlyq etti. Ol óz sózinde: «Qazaqstandaǵy memlekettik bilim berý saiasatynyń strategiialarynyń biri erekshe bilim berý qajettilikteri bar azamattar úshin sapaly bilim alýda teń qoljetimdilikti qurý. Bul máseleni sheshýdiń mańyzdy faktory – inkliýzivti bilim berý mamandaryn daiarlaý. QazUÝ osy strategiiany iske asyrýda eldiń jetekshi joǵary oqý orny bolyp tabylady. Ýniversitet bazasynda QR joǵary jáne joǵary oqý ornynan keiingi bilim berý uiymdarynda inkliýzivti bilim berý jónindegi respýblikalyq úilestirý keńesi quryldy. Sondai-aq «Inkliýzivti orta» ǵylymi-praktikalyq ortalyǵy da qurylyp, QR Ǵylym jáne joǵary bilim ministrliginiń birqatar ǵylymi jobalary iske asyrylýda. JOO-da inkliýzivti bilim berý uiymyn oqý-ádistemelik qamtamasyz etý boiynsha da jumys júrgizilýde», – dedi.
Óz kezeginde Parlament Májilisiniń depýtaty Kenjeǵul Seitjan: «Eger siz erekshe qajettilikteri bar stýdentterge bilim berýge muqiiat jáne yntaly bolsańyz, stýdentter men professorlardyń bir-birimen tiimdi bailanysta bolýyna jaǵdai jasańyz, nátije bolatyny anyq. Ál-Farabi atyndaǵy QazUÝ inkliýzivti jáne álemdegi eń úzdik ýniversitetter qataryna bolady dep senemin. Men bul baǵyttaǵy zań shyǵarý salasynda qoldan kelgen kómegimdi aiamaimyn», – dep atap ótti.
Otyrysta Qazaqstan Respýblikasy Oqý-aǵartý ministrligi janyndaǵy Arnaiy jáne inkliýzivti bilim berýdi damytýdyń ulttyq ǵylymi-praktikalyq ortalyǵynyń direktory Áigerim Kýderinova, pedagogika ǵylymdarynyń doktory, Halyqaralyq pedagogikalyq bilim akademiiasynyń akademigi, Ál-Farabi atyndaǵy QazUÝ pedagogika jáne bilim menedjmenti kafedrasynyń professory Aqmaral Maǵaýova, Nizami atyndaǵy Tashkent memlekettik ýniversitetiniń pedagogika kafedrasynyń professory, pedagogika ǵylymdarynyń doktory Marina Ýrazova jáne basqalar baiandama jasady.
Aýqymdy halyqaralyq shara aiasynda plenarlyq otyrys, dóńgelek ústel, sheberlik saǵattar ótip, sheteldik jáne qazaqstandyq ǵalymdardyń inkliýzivti bilim berý máseleleri boiynsha ǵylymi-ádistemelik ázirlemeleriniń kórmesi ótti.
Konferentsiiaǵa qatysýshylar inkliýzivti bilim berý mamandaryn daiarlaýdyń ǵylymi jáne praktikalyq aspektilerin talqylap, ózekti saladaǵy jumystyń odan arǵy strategiiasyn paiymdaý boiynsha tájiribelerimen bólisip, ózara pikir almasty.
Qaragóz SIMÁDIL,
ál-Farabi atyndaǵy QazUÝ-diń
Baspagerlik, redaktorlyq jáne dizainerlik óner kafedrasynyń oqytýshysy
