Inga Imanbaeva Ortalyq sailaý komissiiasyna prezidenttikke úmitker bolýǵa ótinish berdi. Degenmen onyń ótinishi qabyldanbaǵan, - dep habarlaidy "Ult aqparat" vedomstvonyń baspasóz qyzmetine silteme jasap.
"2022 jylǵy 29 qyrkúiekte Qazaqstan Respýblikasynyń Ortalyq sailaý komissiiasyna kelgen azamatsha Inga Imanbaeva 2022 jylǵy 20 qarashaǵa taǵaiyndalǵan Qazaqstan Respýblikasy Prezidentiniń sailaýyna ózin kandidat retinde usyný týraly máseleni qozǵady.
Alaida, Qazaqstan Respýblikasynyń Prezidenttigine kandidattar usyný úshin "Qazaqstan Respýblikasyndaǵy sailaý týraly" Konstitýtsiialyq zańda kózdelip otyrǵan qajet qujattar usynylǵan joq", - delingen habarlamada.
Ortalyq sailaý komissiiasy Qazaqstan Respýblikasynyń Prezidenttigine kandidattar usyný "Qazaqstan Respýblikasyndaǵy sailaý týraly" Konstitýtsiialyq zańnyń 54 jáne 55-baptaryna sáikes júzege asyrylatynyn eske saldy.
Inganyń ózi áleýmettik jelide keibir máseleler boiynsha prezidenttikke kandidattarǵa qoiylatyn talaptarǵa sai kelmeitinin atap ótken. Mysaly, onyń memlekettik qyzmette jumys ótili joq.
Aita keteiik, Inga Imanbaeva - azamattyq belsendi, tirkelmegen Demokratiialyq partiia jetekshisi Janbolat Mamaidyń jubaiy.
