Memlekettik organdardyń birinshi basshylary men ákimder infliatsiiany tejeý jumysyn kúsheitýi qajet. Bul týraly búgin Úkimet otyrysynda QR Premer-Ministri Álihan Smaiylov aitty, dep habarlaidy QazAqparat.
«5 aidyń qorytyndysy boiynsha jalpy ishki ónim 4,6 paiyzǵa ósti. Oǵan negizinen naqty sektordyń qarqyndy damýy, onyń ishinde óńdeý ónerkásibi aitarlyqtai úles qosty. Ósim tirkelgen negizgi salalar – azyq-túlik ónimderi - 3, sýsyn óndirisi - 18, jeńil ónerkásip - 8, himiia ónerkásibi - 11, rezina jáne plastmassa buiymdaryn shyǵarý - 11 paiyzdan asty. Sondai-aq, munai óńdeý - 8, jihaz jáne mashina jasaý ónimderi - 10, farmatsevtika - 5 paiyzǵa ósti», - dedi Úkimet basshysy.
Premer-Ministrdiń dereginshe, taý-ken ónerkásibindegi 4 paiyz ósim tabiǵi gaz, munai, kómir jáne metall kenin óndirý esebinen qamtamasyz etildi.
Qurylys salasy da 9 paiyzǵa jýyq turaqty ósim kórsetip otyr.
Qurylys materialdarynyń óndirisi 5 paiyzǵa ósti. Qyzmet kórsetý sektorynda saýda - 11, kólik salasy - 8 jáne bailanys - 7 paiyzdan astamǵa artty.
«Biyl 5 aidyń qorytyndysyna sáikes Aqmola, Almaty, Qyzylorda jáne Shyǵys Qazaqstan oblystarynda, sondai-aq Shymkent qalasy men elordada barlyq negizgi kórsetkishter boiynsha ósim tirkelip otyr. Jaýapty memlekettik organdar men ákimdikter osy jumys qarqynyn saqtaýy kerek. Ol úshin ekonomikany ártaraptandyrý, investitsiialar tartý jáne jańa turaqty jumys oryndaryn qurýdy jalǵastyrý qajet», - dedi Álihan Smaiylov.
Sondai-aq, Úkimet basshysy mamyr aiynyń qorytyndysynda eldegi jyldyq infliatsiia 14 paiyzdy quraǵanyna nazar aýdartty.
«Onyń ishinde azyq-túlik infliatsiiasynyń deńgeii 19 paiyzǵa jetti. Buǵan eń aldymen, azyq-túlik taýarlaryna álemdik baǵanyń ósýi áser etip otyr. Memlekettik organdardyń birinshi basshylary men ákimder infliatsiiany tejeý jumysyn kúsheitip, pármendi is-sharalar qabyldaýy tiis», - dedi Premer-Ministr.
