مەملەكەتتٸك ورگانداردىڭ بٸرٸنشٸ باسشىلارى مەن ەكٸمدەر ينفلياتسييانى تەجەۋ جۇمىسىن كٷشەيتۋٸ قاجەت. بۇل تۋرالى بٷگٸن ٷكٸمەت وتىرىسىندا قر پرەمەر-مينيسترٸ ەليحان سمايىلوۆ ايتتى, دەپ حابارلايدى قازاقپارات.
«5 ايدىڭ قورىتىندىسى بويىنشا جالپى ٸشكٸ ٶنٸم 4,6 پايىزعا ٶستٸ. وعان نەگٸزٸنەن ناقتى سەكتوردىڭ قارقىندى دامۋى, ونىڭ ٸشٸندە ٶڭدەۋ ٶنەركەسٸبٸ ايتارلىقتاي ٷلەس قوستى. ٶسٸم تٸركەلگەن نەگٸزگٸ سالالار – ازىق-تٷلٸك ٶنٸمدەرٸ - 3, سۋسىن ٶندٸرٸسٸ - 18, جەڭٸل ٶنەركەسٸپ - 8, حيمييا ٶنەركەسٸبٸ - 11, رەزينا جەنە پلاستماسسا بۇيىمدارىن شىعارۋ - 11 پايىزدان استى. سونداي-اق, مۇناي ٶڭدەۋ - 8, جيھاز جەنە ماشينا جاساۋ ٶنٸمدەرٸ - 10, فارماتسەۆتيكا - 5 پايىزعا ٶستٸ», - دەدٸ ٷكٸمەت باسشىسى.
پرەمەر-مينيستردٸڭ دەرەگٸنشە, تاۋ-كەن ٶنەركەسٸبٸندەگٸ 4 پايىز ٶسٸم تابيعي گاز, مۇناي, كٶمٸر جەنە مەتالل كەنٸن ٶندٸرۋ ەسەبٸنەن قامتاماسىز ەتٸلدٸ.
قۇرىلىس سالاسى دا 9 پايىزعا جۋىق تۇراقتى ٶسٸم كٶرسەتٸپ وتىر.
قۇرىلىس ماتەريالدارىنىڭ ٶندٸرٸسٸ 5 پايىزعا ٶستٸ. قىزمەت كٶرسەتۋ سەكتورىندا ساۋدا - 11, كٶلٸك سالاسى - 8 جەنە بايلانىس - 7 پايىزدان استامعا ارتتى.
«بيىل 5 ايدىڭ قورىتىندىسىنا سەيكەس اقمولا, الماتى, قىزىلوردا جەنە شىعىس قازاقستان وبلىستارىندا, سونداي-اق شىمكەنت قالاسى مەن ەلوردادا بارلىق نەگٸزگٸ كٶرسەتكٸشتەر بويىنشا ٶسٸم تٸركەلٸپ وتىر. جاۋاپتى مەملەكەتتٸك ورگاندار مەن ەكٸمدٸكتەر وسى جۇمىس قارقىنىن ساقتاۋى كەرەك. ول ٷشٸن ەكونوميكانى ەرتاراپتاندىرۋ, ينۆەستيتسييالار تارتۋ جەنە جاڭا تۇراقتى جۇمىس ورىندارىن قۇرۋدى جالعاستىرۋ قاجەت», - دەدٸ ەليحان سمايىلوۆ.
سونداي-اق, ٷكٸمەت باسشىسى مامىر ايىنىڭ قورىتىندىسىندا ەلدەگٸ جىلدىق ينفلياتسييا 14 پايىزدى قۇراعانىنا نازار اۋدارتتى.
«ونىڭ ٸشٸندە ازىق-تٷلٸك ينفلياتسيياسىنىڭ دەڭگەيٸ 19 پايىزعا جەتتٸ. بۇعان ەڭ الدىمەن, ازىق-تٷلٸك تاۋارلارىنا ەلەمدٸك باعانىڭ ٶسۋٸ ەسەر ەتٸپ وتىر. مەملەكەتتٸك ورگانداردىڭ بٸرٸنشٸ باسشىلارى مەن ەكٸمدەر ينفلياتسييانى تەجەۋ جۇمىسىن كٷشەيتٸپ, پەرمەندٸ ٸس-شارالار قابىلداۋى تيٸس», - دەدٸ پرەمەر-مينيستر.
