Qazaqstan Respýblikasy Indýstriia jáne infraqurylymdyq damý ministri bolyp Roman Skliar taǵaiyndaldy, dep habarlaidy "Ult aqparat".
Depýtattar Roman Skliardiń kandidatýrasyn biraýyzdan maquldady.
Buǵan deiin bul qyzmetti Jeńis Qasymbek atqarǵan bolatyn.
Aita ketsek, Skliar Roman 1971 jylǵy 8 mamyrda Pavlodar qalasynda týǵan.
«Injener-qurylysshy» mamandyǵy boiynsha Pavlodar memlekettik ýniversitetin, sondai-aq «Ekonomist» mamandyǵy boiynsha Máskeý qazirgi zaman biznes institýty men «Zańger» mamandyǵy boiynsha Qazaq quqyqtaný jáne halyqaralyq qatynastar institýtyn bitirgen.
Eńbek jolyn 1989 jyly «Ekibastýzýgleavtomatika» montajdaý-jóndeý basqarmasynda Slesar-montajshy bolyp bastap, keiin «Vahinvest» BK-da tehnikalyq qaýipsizdik jónindegi injener jáne kommertsiialyq salada qyzmet etken.
2002-2003 jyldary Pavlodar oblystyq dármensiz boryshkerlermen jumys jónindegi komiteti basqarmasynyń bólim bastyǵy, 2003-2005 jj. Pavlodar qalasynda memlekettik satyp alý basqarmasynyń bastyǵy, Pavlodar oblysy ákiminiń bas inspektory bolyp eńbek etti. 2005-2006 jj. Pavlodar qalasy ákiminiń orynbasary, apparat jetekshisi, 2006-2007 jj. Astana qalasy ákimi apparatynyń infraqurylymdy damytý bóliminiń meńgerýshisi qyzmetin atqarǵan.
Odan keiin Astana qalasynyń energetika jáne kommýnaldyq sharýashylyq (basqarma basshysy) departamentiniń direktory (10.2007-10.2008) boldy. 2008 jylǵy qazan aiynan 2010 jylǵy qarasha aiyna deiingi merzimde Pavlodar oblysy ákiminiń orynbasary, Pavlodar oblysy ákiminiń birinshi orynbasary laýazymynda qyzmet etken.
2011 jylǵy 17 mamyrdan 2013 jylǵy qazan aiyna deiin QR Kólik jáne kommýnikatsiia vitse-ministri, 2014-2016 jj. «Qazaqstan Temir Joly» AQ vitse-prezidenti bolǵan. 2016 jylǵy naýryzda «Nur Otan» partiiasynan QR Parlamenti Májilisiniń VI shaqyrylym depýtaty bolyp sailandy, Ekonomikalyq reforma jáne aimaqty damytý komitetiniń tóraǵasy qyzmetin atqarǵan. 2016 jylǵy mamyr aiynda QR Ulttyq ekonomika vitse-ministri (05.2016-23.12.2016) boldy.
2016 jylǵy 23 jeltoqsanda QR Investitsiialar jáne damý vitse-ministri qyzmetine taǵaiyndalǵan bolatyn.
«Qurmet», «Parasat» ordenderi (2017 j.) «Astananyń 10 jyldyǵy», «QR Táýelsizdiginiń 20 jyldyǵy», «Qazaqstan halqy assambleiasynyń qoǵamdyq «Birlik» altyn medali» mereitoilyq medaldarymen marapattalǵan.
