Qazaqstannyń Elshisi Daniiar Sarekenov jáne Indoneziia Respýblikasy Ulttyq kitaphanasy direktorynyń orynbasary Voro Harianti Indoneziia Ulttyq kitaphanasynyń ǵimaratynda Abai Qunanbaiuly atyndaǵy qazaq ádebietiniń jinaǵyn saltanatty túrde ashty, dep habarlaidy QR SIM baspasóz qyzmeti.
Is-shara uly qazaq filosofy men aǵartýshysynyń 175 jyldyq mereitoiyna orai ótti.
Jinaq úshin tanymal balilyq aǵash kesýshi Vaian Mýdan Abaidyń biýstin jasaǵan.
Bul jolǵy jinaqtyń ereksheligi - alǵash ret Abaidyń eń mańyzdy shyǵarmalarynyń biri «Qara sózderi» indoneziialyq tilge aýdaryldy.
V. Harianti qazaq ádebieti jinaǵynyń ashylýymen jáne Uly aqynnyń týǵanyna 175 jyl tolýymen quttyqtap, Abaidyń esimi búkil álemge onyń dana sózderi men rýhani murasynyń arqasynda belgili ekenin atap ótti. Onyń pikirinshe, Abai atyndaǵy Qazaq kollektsiiasy, sondai-aq «Qara sózderdiń» aýdarmasy indoneziialyq oqyrmandarǵa qazaq halqynyń mádenietimen jaqynyraq tanysýǵa jáne álemniń ádemi elderiniń biri - Qazaqstan týraly kóbirek bilýge kómektesedi dedi.
Taraptar ulttyq kitaphanalar jelisi boiynsha yntymaqtastyqty jalǵastyrýǵa, sondai-aq mádeni bailanystardy nyǵaitýǵa kelisti.
