Indoneziiada Lion Air kompaniiasynyń ushaǵy apatqa ushyrady. Indoneziia biliginiń habarlaýynsha, el astanasy Djakartadan Pankalpinang qalasyna ushyp shyqqan Boeing 737 ushaǵy Sýmatra aralyna jaqyn teńizge qulady. Aldyn-ala málimet boiynsha, ushaqta 188 adam bolǵan. Tiri qalǵandar bar-joǵy ázirge belgisiz. "Ushaqtyń apatqa ushyraǵany rastaldy" dedi Indoneziia ulttyq izdeý jáne qutqarý agenttiginiń resmi ókili Iýsýf Latif 29 qazan kúni taratqan habarlamasynda.
Jakarta Post aqparaty boiynsha, ushaq jergilikti ýaqytpen tańǵy saǵat 6:20-da áýege kóterilgen. 13 minýt ótkennen keiin ushaq radardan joǵalyp, onymen bailanys úzilgen.
Flightradar 24 servisiniń málimetinshe, ushaqtyń tolyq ataýy - Boeing MAX 737. Modifikatsiialanǵan bul tipti ushaqtar 2017 jyly paidalanyla bastaǵan. Buǵan deiin Boeing-tiń mundai modelderi apatqa ushyraǵan emes.
Boeing kompaniiasy ushaq apatynan habardar ekenin jáne jaǵdaidy "jiti baqylap otyrǵanyn" málimdedi.
Lion Air Group kompaniiasynyń atqarýshy direktory Edýard Sirai kompaniia apatqa qatysty barlyq aqparat pen derekti jinastyryp jatqanyn ǵana aityp, ázirge kommentarii bere almaitynyn habarlady.
Indoneziiada sońǵy jyldary birneshe ret ushaq qulap, adam shyǵyny bolǵan.
