يندونەزييادا Lion Air كومپانيياسىنىڭ ۇشاعى اپاتقا ۇشىرادى. يندونەزييا بيلٸگٸنٸڭ حابارلاۋىنشا, ەل استاناسى دجاكارتادان پانكالپينانگ قالاسىنا ۇشىپ شىققان Boeing 737 ۇشاعى سۋماترا ارالىنا جاقىن تەڭٸزگە قۇلادى. الدىن-الا مەلٸمەت بويىنشا, ۇشاقتا 188 ادام بولعان. تٸرٸ قالعاندار بار-جوعى ەزٸرگە بەلگٸسٸز. "ۇشاقتىڭ اپاتقا ۇشىراعانى راستالدى" دەدٸ يندونەزييا ۇلتتىق ٸزدەۋ جەنە قۇتقارۋ اگەنتتٸگٸنٸڭ رەسمي ٶكٸلٸ يۋسۋف لاتيف 29 قازان كٷنٸ تاراتقان حابارلاماسىندا.
Jakarta Post اقپاراتى بويىنشا, ۇشاق جەرگٸلٸكتٸ ۋاقىتپەن تاڭعى ساعات 6:20-دا ەۋەگە كٶتەرٸلگەن. 13 مينۋت ٶتكەننەن كەيٸن ۇشاق راداردان جوعالىپ, ونىمەن بايلانىس ٷزٸلگەن.
Flightradar 24 سەرۆيسٸنٸڭ مەلٸمەتٸنشە, ۇشاقتىڭ تولىق اتاۋى - Boeing MAX 737. موديفيكاتسييالانعان بۇل تيپتٸ ۇشاقتار 2017 جىلى پايدالانىلا باستاعان. بۇعان دەيٸن Boeing-تٸڭ مۇنداي مودەلدەرٸ اپاتقا ۇشىراعان ەمەس.
Boeing كومپانيياسى ۇشاق اپاتىنان حاباردار ەكەنٸن جەنە جاعدايدى "جٸتٸ باقىلاپ وتىرعانىن" مەلٸمدەدٸ.
Lion Air Group كومپانيياسىنىڭ اتقارۋشى ديرەكتورى ەدۋارد سيراي كومپانييا اپاتقا قاتىستى بارلىق اقپارات پەن دەرەكتٸ جيناستىرىپ جاتقانىن عانا ايتىپ, ەزٸرگە كوممەنتاريي بەرە المايتىنىن حابارلادى.
يندونەزييادا سوڭعى جىلدارى بٸرنەشە رەت ۇشاق قۇلاپ, ادام شىعىنى بولعان.
