L.N.Gýmilev atyndaǵy Eýraziia ulttyq ýniversitetiniń saiasattaný kafedrasynyń meńgerýshisi, PhD doktory, Abai murasyn halyqaralyq deńgeide nasihattaý jobasynyń jetekshisi Indira Rystina Qasym-Jomart Toqaevtyń «Abai jáne HHI ǵasyrdaǵy Qazaqstan» atty maqalasyna qatysty pikir bildirdi, dep habarlaidy QazAqparat.
«Qazaqstan Respýblikasynyń Prezidenti Qasym-Jomart Kemeluly Toqaevtyń «Abai jáne XXI ǵasyrdaǵy Qazaqstan» atty maqalasy jaryq kórdi. Bul maqalanyń ereksheligi – Abai shyǵarmashylyǵynyń zamanaýi úlgisiniń kórinisi aiqyn jazylǵan. Qazirgi kezdegi máseleler Abai óleńderiniń prizmasy arqyly qarastyrylady. Bul kezde asa mán berip aitqym kelgeni: bilim, ǵylym jáne til máseleleriniń Abai óleńderindegi sipaty búgingi zamanaýi Qazaqstannyń qajettigin ashyq ári jarqyn túrde kórsetedi. Mysaly, bizdiń qazir ómir boiy bilim alý kerek degen qaǵidamyz bar. Ol – qazirgi qaǵida dep esepteledi. Eger Abai óleńderin taldar bolsaq, árdaiym bilim alý kerek. «Jasymda ǵylym bar dep eskermedim» dep aitqan bir sózi ǵylymnyń erte kezden bastaý alýy kerektigin aiqyndai túsedi», - deidi ol.
Indira Rystina atap ótkendei, byltyr Qazaqstanda Jastar jyly aiasynda jas ǵalymdarǵa arnalǵan arnaiy ǵylymi jobalardyń granttary jariialandy.
«Ǵylymdy jas kezinen bastap dáripteý» degen Abaidyń sózi qazir de, keleshekte de mańyzyn joimaityny haq. «Pedagog mártebesi týraly» qabyldanǵan zańda oqytýshyǵa degen qurmet aitylǵan. Al, bul Abai óleńderinde árdaiym kórinis taýyp otyrady. Sondyqtan Abaidyń búgin dáriptelýi, Abai murasyna oralýymyz jaily jazylǵan Prezidentimizdiń maqalasy óte oryndy dep esepteimin. Qazaq halqyna, qazaq jastaryna Abaidy oqý, Abaidyń jetistikteri men onyń nasihatyn jetkizý – bizdiń zamanymyzdyń, bizdiń ǵasyrymyzdyń birden-bir mindeti», - deidi ol.
Eske sala ketsek, «Egemen Qazaqstan» gazetiniń búgingi sanynda QR Prezidenti Qasym-Jomart Toqaevtyń «Abai jáne HHI ǵasyrdaǵy Qazaqstan» atty maqalasy jariialanǵan bolatyn.
