Indet eshqandai da memlekettiń saiasi quraly emes. Bul oidy Jańa jyl merekesi kúni karantin talaptaryn saqtaýǵa shaqyryp, pikir bildirgen akter, Qazaqstannyń eńbek sińirgen qairatkeri, QR Parlamenti Májilisiniń depýtaty Nurjan Álimjanov málimdedi, dep habarlaidy QazAqparat.
«2020 jyl elimiz úshin syny kóp, aýyr jyl boldy. Indet ónerdegi asyl azamattarymyzdy aramyzdan julyp ketti. Bul qiyn sát áli de jalǵasyp jatyr. Aty jaman aýrýdan qashan qutylatynymyz beimálim. Sondyqtan múmkindik bolsa, Jańa jyldy otbasymyzben qarsy alyp, saqtanyp, úide bolǵanymyz jón. Memleket tarpynan qabyldanyp jatqan sharalar jan-jaqty zerttelgen. Qazirgi jaǵdaidan saiasi astar izdeý nemese oǵan senimsizdik tanytý orynsyz dep oilaimyn. Koronavirýs eshqandai da memlekettiń saiasi quraly emes. Az qazaq bir-birimizdi aialap, ózgeniń ómirine jaýapkershilikpen qaraiyq. Qoryqqanǵa qos kórinedi. Bosqa dúrbeleń týǵyzýdyń qajeti joq. Óitkeni qoryqqan saiyn immýnitet álsireidi», - dedi Nurjan Álimjanov.
Sonymen qatar óner iesi barsha qazaqstandyqtardy Jańa jyl merekesimen quttyqtap, izgi lebizin bildirdi.
