Jańaózen qalasyndaǵy iri kompaniialardyń eńbek ujymy epidemiologtarmen kezdesti. Almaty jáne Nur-Sultan qalalarynan bilikti epidemiolog, infektsionist mamandar eńbek ujymdarymen kezdesý úshin arnaiy kelgen, dep jazady Baq.kz saity.
Qaladaǵy iri kompaniialardyń biri - «ÓzenMunaiGaz».
Ózen munai gaz óndirý kásipkerligi sonaý 1964 jyldyń 15 shildesinde qurylǵan.
Qazirgi tańda «ÓzenMunaiGaz» aktsionerlik qoǵamyna qarasty 16 qurylymdyq óndiristik basqarma bar. Onyń tórteýi munai gaz óndirý basqarmasy, al ózge basqarmalar óndiriske qosymsha servistik qyzmet kórsetedi.
Epidemiologiialyq jaǵdaiǵa bailanysty eńbek ujymynyń qurylym jetekshileri ǵana bilikti epidemiolog, infektsionist dárigerlermen kezdesti.
Qyzmetkerler mamandarǵa kókeiinde júrgen suraqtaryn qoiyp, keńes surady. Kompaniia baspasóz qyzmetiniń málimetinshe, ujymdaǵy kásipodaq jetekshileri men qurylym basshylarynyń basym bóligi vaktsina alǵan.
Mysaly, «ÓzenMunaiGaz» AQ-da 25 jyl eńbek etip júrgen bas esepshisi Anar Ospanova «Spýtnik V» vaktsinasynyń ekinshi komponentin alǵanyn aitty.
Vaktsinanyń ekeýin de aldym. Eshqandai janama áser bolǵan joq. Din-aman júrmin. Men ainalamdaǵy adamdardyń qaýipsizdigi úshin vaktsina saldyrdym. Sebebi men jumysta ártúrli jastaǵy adamdarmen jumys isteimin. Sondyqtan qorshaǵan ortaǵa ziian tigizgim kelmedi. Árbir adam óziniń jáne otbasynyń qaýipsizdigi úshin vaktsina alady dep oilaimyn, - dedi Ospanova.
Al kompaniianyń taǵy bir qyzmetkeri tańdaý reseilik jáne qazaqstandyq vaktsina arasynda bolǵandyqtan, otandyq ónimdi tańdaǵanyn aitty.
Jalpy kompaniiada vaktsina alǵandar sany myńǵa jýyqtaǵan. Mamandar qazir qyzmetkerlerdiń vaktsina alý qarqyny kúsheiip kele jatqanyn aitty.
Sonymen qatar epidemiologtar 2200 adam qyzmet etetin «Byrgylau» JShS ujymymen de kezdesti.
Mekeme direktory Dúisenbai Taýshanovtyń aitýynsha, 154 adam vaktsina alǵan.
Bizdiń kompaniiada 29 qurylym aýtsorsing formatynda jumys isteidi. Sonyń barlyǵyn qosqanda 2200 adam. Keńsede jumys isteitin qyzmetkerlerdiń 154-i vaktsina alǵan. Men jaqynda «Spýtnik V» vaktsinasyn alamyn. Osyndai mamandarmen kezdesip, suraq-jaýap sessiiasyn ótkizý qyzmetkerlerge jaqsy áser etip jatyr. Búgin olar barlyq qyzyqtyrǵan suraqtaryna jaýap aldy, - dedi Taýshanov.
Bul mekemeden keiin epidemiolog mamandar men jergilikti bilik ókilderi Munaishy mádeniet úiinde «ÓzenInvest» MKK ujymy men bilim salasynyń qyzmetkerlerimen jolyqty.
Qalaǵan qala turǵyndary da jiynǵa kirip qatysty.
Sharada meditsina ǵylymdarynyń kandidaty, epidemiolog Ainagúl Qýatbaeva kez kelgen vaktsina syrttan organizmge túsetin aqýyz ekenin aitty.
Indetke tosqaýyldy tek vaktsina ǵana qoia alady. Byltyrǵy aqpan aiynan bastap buqaralyq oryndarǵa barmańyz, bata jasamańyz, 10-15 adamnan jinalatyn jerge barmańyz dep eskertip jatyrmyz. Sebebi Túrkistan oblysyndaǵy qariia Jambyl oblysy, Kókshetaý qalasyna, Qaraǵandyǵa baryp, 180 adamǵa indet juqtyrǵan. Sonyń jeteýi indetten kóz jumdy. Sondyqtan vaktsina alǵan kúnniń ózinde de sanitarlyq talaptar týraly umytpaǵan jón, - dedi Qýatbaeva.
Sonymen qatar aqparattyq-nasihat tobynyń músheleri 1995 jyldan beri jumys istep kele jatqan «Mańǵystaý munai gaz» AQ-nyń enshiles kompaniiasy «Mańǵystaý energo munai» JShS mekemesiniń qyzmetkerlerine de vaktsinatsiia týraly túsindirý jumystaryn júrgizdi.
Jiynǵa qatysýshylar tarapynan «Vaktsina alýdyń tiimdiligi men áseri qandai?, Alǵashqy jáne ekinshi komponenttiń arasy nege bólingen?, Jańa shtamdarǵa qarsy vaktsinany qaita salý kerek pe?, Vaktsinany kimderge alýǵa bolmaidy?» degen suraqtar kóp qoiyldy.
Aqparattyq top múshesi Asfendiiarov atyndaǵy Qazaq ulttyq meditsinalyq ýniversitetiniń juqpaly jáne tropikalyq aýrýlar kafedrasynyń dotsenti Ainur Sadyqova halyqtyń suraǵyna barynsha jaýap berýge tyrysqanyn aitty.
Halyqtyń suraǵy óte kóp. Biz olardyń barlyǵyna jaýap berýge tyrystyq. Tipti, kei ujym ekinshi kezdesýge shaqyryp, suraqtaryna jaýap alǵysy kelip jatqan jaiy bar. Vaktsina alýǵa eshkim qarsy emes. «Vaktsina alǵannan keiin aýyryp qalamyn ba?, Qandai áser bolýy múmkin?» degen suraqtar da boldy. Biz túsindirý jumystaryn odan ári jalǵastyrýǵa daiynbyz, - dedi Ainur Sadyqova.
Osyǵan deiin bilikti mamandar «Mańǵystaý atom energetikalyq kombinaty» JShS ujymyna vaktsinatsiia boiynsha túsindirý jumystaryn júrgizgen edi.
Aita keteiik, Mańǵystaý oblysy qazir «qyzyl» aimaqta tur. Jańaózen qalasynda vaktsinanyń alǵashqy komponentin 10 424 adam, ekinshi komponentin 3 933 adam alǵan.
