جاڭاٶزەن قالاسىنداعى ٸرٸ كومپانييالاردىڭ ەڭبەك ۇجىمى ەپيدەميولوگتارمەن كەزدەستٸ. الماتى جەنە نۇر-سۇلتان قالالارىنان بٸلٸكتٸ ەپيدەميولوگ, ينفەكتسيونيست ماماندار ەڭبەك ۇجىمدارىمەن كەزدەسۋ ٷشٸن ارنايى كەلگەن, دەپ جازادى Baq.kz سايتى.
قالاداعى ٸرٸ كومپانييالاردىڭ بٸرٸ - «ٶزەنمۇنايگاز».
ٶزەن مۇناي گاز ٶندٸرۋ كەسٸپكەرلٸگٸ سوناۋ 1964 جىلدىڭ 15 شٸلدەسٸندە قۇرىلعان.
قازٸرگٸ تاڭدا «ٶزەنمۇنايگاز» اكتسيونەرلٸك قوعامىنا قاراستى 16 قۇرىلىمدىق ٶندٸرٸستٸك باسقارما بار. ونىڭ تٶرتەۋٸ مۇناي گاز ٶندٸرۋ باسقارماسى, ال ٶزگە باسقارمالار ٶندٸرٸسكە قوسىمشا سەرۆيستٸك قىزمەت كٶرسەتەدٸ.
ەپيدەميولوگييالىق جاعدايعا بايلانىستى ەڭبەك ۇجىمىنىڭ قۇرىلىم جەتەكشٸلەرٸ عانا بٸلٸكتٸ ەپيدەميولوگ, ينفەكتسيونيست دەرٸگەرلەرمەن كەزدەستٸ.
قىزمەتكەرلەر ماماندارعا كٶكەيٸندە جٷرگەن سۇراقتارىن قويىپ, كەڭەس سۇرادى. كومپانييا باسپاسٶز قىزمەتٸنٸڭ مەلٸمەتٸنشە, ۇجىمداعى كەسٸپوداق جەتەكشٸلەرٸ مەن قۇرىلىم باسشىلارىنىڭ باسىم بٶلٸگٸ ۆاكتسينا العان.
مىسالى, «ٶزەنمۇنايگاز» اق-دا 25 جىل ەڭبەك ەتٸپ جٷرگەن باس ەسەپشٸسٸ انار وسپانوۆا «سپۋتنيك V» ۆاكتسيناسىنىڭ ەكٸنشٸ كومپونەنتٸن العانىن ايتتى.
ۆاكتسينانىڭ ەكەۋٸن دە الدىم. ەشقانداي جاناما ەسەر بولعان جوق. دٸن-امان جٷرمٸن. مەن اينالامداعى ادامداردىڭ قاۋٸپسٸزدٸگٸ ٷشٸن ۆاكتسينا سالدىردىم. سەبەبٸ مەن جۇمىستا ەرتٷرلٸ جاستاعى ادامدارمەن جۇمىس ٸستەيمٸن. سوندىقتان قورشاعان ورتاعا زييان تيگٸزگٸم كەلمەدٸ. ەربٸر ادام ٶزٸنٸڭ جەنە وتباسىنىڭ قاۋٸپسٸزدٸگٸ ٷشٸن ۆاكتسينا الادى دەپ ويلايمىن, - دەدٸ وسپانوۆا.
ال كومپانييانىڭ تاعى بٸر قىزمەتكەرٸ تاڭداۋ رەسەيلٸك جەنە قازاقستاندىق ۆاكتسينا اراسىندا بولعاندىقتان, وتاندىق ٶنٸمدٸ تاڭداعانىن ايتتى.
جالپى كومپانييادا ۆاكتسينا العاندار سانى مىڭعا جۋىقتاعان. ماماندار قازٸر قىزمەتكەرلەردٸڭ ۆاكتسينا الۋ قارقىنى كٷشەيٸپ كەلە جاتقانىن ايتتى.
سونىمەن قاتار ەپيدەميولوگتار 2200 ادام قىزمەت ەتەتٸن «Byrgylau» جشس ۇجىمىمەن دە كەزدەستٸ.
مەكەمە ديرەكتورى دٷيسەنباي تاۋشانوۆتىڭ ايتۋىنشا, 154 ادام ۆاكتسينا العان.
بٸزدٸڭ كومپانييادا 29 قۇرىلىم اۋتسورسينگ فورماتىندا جۇمىس ٸستەيدٸ. سونىڭ بارلىعىن قوسقاندا 2200 ادام. كەڭسەدە جۇمىس ٸستەيتٸن قىزمەتكەرلەردٸڭ 154-ٸ ۆاكتسينا العان. مەن جاقىندا «سپۋتنيك V» ۆاكتسيناسىن الامىن. وسىنداي ماماندارمەن كەزدەسٸپ, سۇراق-جاۋاپ سەسسيياسىن ٶتكٸزۋ قىزمەتكەرلەرگە جاقسى ەسەر ەتٸپ جاتىر. بٷگٸن ولار بارلىق قىزىقتىرعان سۇراقتارىنا جاۋاپ الدى, - دەدٸ تاۋشانوۆ.
بۇل مەكەمەدەن كەيٸن ەپيدەميولوگ ماماندار مەن جەرگٸلٸكتٸ بيلٸك ٶكٸلدەرٸ مۇنايشى مەدەنيەت ٷيٸندە «ٶزەنينۆەست» مكك ۇجىمى مەن بٸلٸم سالاسىنىڭ قىزمەتكەرلەرٸمەن جولىقتى.
قالاعان قالا تۇرعىندارى دا جيىنعا كٸرٸپ قاتىستى.
شارادا مەديتسينا عىلىمدارىنىڭ كانديداتى, ەپيدەميولوگ ايناگٷل قۋاتباەۆا كەز كەلگەن ۆاكتسينا سىرتتان ورگانيزمگە تٷسەتٸن اقۋىز ەكەنٸن ايتتى.
ٸندەتكە توسقاۋىلدى تەك ۆاكتسينا عانا قويا الادى. بىلتىرعى اقپان ايىنان باستاپ بۇقارالىق ورىندارعا بارماڭىز, باتا جاساماڭىز, 10-15 ادامنان جينالاتىن جەرگە بارماڭىز دەپ ەسكەرتٸپ جاتىرمىز. سەبەبٸ تٷركٸستان وبلىسىنداعى قارييا جامبىل وبلىسى, كٶكشەتاۋ قالاسىنا, قاراعاندىعا بارىپ, 180 ادامعا ٸندەت جۇقتىرعان. سونىڭ جەتەۋٸ ٸندەتتەن كٶز جۇمدى. سوندىقتان ۆاكتسينا العان كٷننٸڭ ٶزٸندە دە سانيتارلىق تالاپتار تۋرالى ۇمىتپاعان جٶن, - دەدٸ قۋاتباەۆا.
سونىمەن قاتار اقپاراتتىق-ناسيحات توبىنىڭ مٷشەلەرٸ 1995 جىلدان بەرٸ جۇمىس ٸستەپ كەلە جاتقان «ماڭعىستاۋ مۇناي گاز» اق-نىڭ ەنشٸلەس كومپانيياسى «ماڭعىستاۋ ەنەرگو مۇناي» جشس مەكەمەسٸنٸڭ قىزمەتكەرلەرٸنە دە ۆاكتسيناتسييا تۋرالى تٷسٸندٸرۋ جۇمىستارىن جٷرگٸزدٸ.
جيىنعا قاتىسۋشىلار تاراپىنان «ۆاكتسينا الۋدىڭ تيٸمدٸلٸگٸ مەن ەسەرٸ قانداي?, العاشقى جەنە ەكٸنشٸ كومپونەنتتٸڭ اراسى نەگە بٶلٸنگەن?, جاڭا شتامدارعا قارسى ۆاكتسينانى قايتا سالۋ كەرەك پە?, ۆاكتسينانى كٸمدەرگە الۋعا بولمايدى?» دەگەن سۇراقتار كٶپ قويىلدى.
اقپاراتتىق توپ مٷشەسٸ اسفەنديياروۆ اتىنداعى قازاق ۇلتتىق مەديتسينالىق ۋنيۆەرسيتەتٸنٸڭ جۇقپالى جەنە تروپيكالىق اۋرۋلار كافەدراسىنىڭ دوتسەنتٸ اينۇر سادىقوۆا حالىقتىڭ سۇراعىنا بارىنشا جاۋاپ بەرۋگە تىرىسقانىن ايتتى.
حالىقتىڭ سۇراعى ٶتە كٶپ. بٸز ولاردىڭ بارلىعىنا جاۋاپ بەرۋگە تىرىستىق. تٸپتٸ, كەي ۇجىم ەكٸنشٸ كەزدەسۋگە شاقىرىپ, سۇراقتارىنا جاۋاپ العىسى كەلٸپ جاتقان جايى بار. ۆاكتسينا الۋعا ەشكٸم قارسى ەمەس. «ۆاكتسينا العاننان كەيٸن اۋىرىپ قالامىن با?, قانداي ەسەر بولۋى مٷمكٸن?» دەگەن سۇراقتار دا بولدى. بٸز تٷسٸندٸرۋ جۇمىستارىن ودان ەرٸ جالعاستىرۋعا دايىنبىز, - دەدٸ اينۇر سادىقوۆا.
وسىعان دەيٸن بٸلٸكتٸ ماماندار «ماڭعىستاۋ اتوم ەنەرگەتيكالىق كومبيناتى» جشس ۇجىمىنا ۆاكتسيناتسييا بويىنشا تٷسٸندٸرۋ جۇمىستارىن جٷرگٸزگەن ەدٸ.
ايتا كەتەيٸك, ماڭعىستاۋ وبلىسى قازٸر «قىزىل» ايماقتا تۇر. جاڭاٶزەن قالاسىندا ۆاكتسينانىڭ العاشقى كومپونەنتٸن 10 424 ادام, ەكٸنشٸ كومپونەنتٸن 3 933 ادام العان.
