Búgin Úkimet otyrysynda 2019–2021 jyldarǵa arnalǵan jeńil jáne jihaz ónerkásibin, qurylys indýstriiasyn damytý boiynsha Jol kartalarynyń jobalary maquldandy.
Usynylatyn sharalar týraly indýstriia jáne infraqurylymdyq damý ministri R. Skliar, aýyl sharýashylyǵy ministri S. Omarov, sondai-aq Qazaqstannyń qarjygerler qaýymdastyǵy Keńesiniń tóraǵasy E. Bahmýtova baiandady.
Úkimet basshysynyń aitýynsha, jeti jyldan keiin importtyń úlesi 59 protsentten 37-ge deiin túsedi. Esesine otandyq taýarlardyń kólemi artady. Osyǵan bailanysty óńdeýshi kásiporyndary ártaraptandyrý sharalary jalǵasady.
«2019-2025 jyldary aralyǵynda 300-ge jýyq joba iske asatyn bolady. Boljamǵa sáikes, 2025 jylǵa qarai qarapaiym zattar ekonomikasy taýarlaryn óńdeý kólemi 4 trillion teńgeden 9 trillion teńgege deiin ulǵaiady. Sol kezde búkil Qazaqstan boiynsha 16 myńnan astam turaqty jumys orny qurylady. Bul - asa mańyzdy áleýmettik-ekonomikalyq mindet», - dedi A.Mamin.
