RF SIM Máskeý Memlekettik Halyqaralyq qatynastar institýtynda (Ýniversitetinde) Reseidegi Qazaqstan Elshiliginiń muryndyq bolýymen "Qazaqstan – Resei: diplomatiialyq qarym-qatynastyń 25 jyldyǵy" atty halyqaralyq ǵylymi-tájiribelik konferentsiia uiymdastyryldy, dep habarlaidy "Ult aqparat" QR-nyń Reseidegi elshiligine silteme jasap.
Jiyndy bastaǵan Qazaqstannyń Reseidegi Tótenshe jáne ókiletti elshisi Imanǵali Tasmaǵambetov eki memlekettiń bailanysy tereńde jatqanyn, osy ýaqyt aralyǵynda berik rýhani negiz qalyptasyp úlgergenin, shirek ǵasyr aralyǵynda Qazaqstan men Resei arasynda 300-ge tarta mańyzy joǵary, seriktestikti nyǵaitatyn ekijaqty kelisim jasalǵanyn erekshe atap ótti.
"Ekijaqty bailanystyń ornaýy eki eldiń máseleni sheshýde qoldanatyn áreket amaldaryna bailanysty. Ózge elderde oń sheshimin tappaǵan túitkildi másele Qazaqstan men Resei arasynda bolǵan emes", – dedi jiyn barysynda Imanǵali Tasmaǵambetov. Osy rette elshi myrza «týysy jaqyn jaqyn emes, qonysy jaqyn jaqyn»", – degen maqaldy tilge tiek etti.
Óz kezeginde sóz alǵan MMHQI Rektory Anatolii Torkýnov Resei men Qazaqstan buryńǵy keńes memleketteri arasynda qaýqaryn myqtaǵan memleketter ekenin aita kele, táýelsizdik alǵaly beri eń jaqyn seriktes bolǵanyna da erekshe toqtaldy.
"Bizdiń memleketter 25 jyl aralyǵynda halyqaralyq deńgeide tyǵyz qarym-qatynas ornatty. Sondai-aq Qazaqstan osy jyldar aralyǵynda syrtqy saiasattyń negizgi quraly retinde diplomatiialyq qyzmetti jaqsylap jasaqtai aldy. Sonyń aiqyn dáleli retinde Qazaqstannyń halyqaralyq deńgeide bedeli joǵary BUU Qaýipsizdik keńesinde turaqty emes ókili retinde sailanýyn aitýǵa bolady", – dedi Anatolii Torkýnov.
RF Syrtqy Ister Ministriniń orynbasary Grigorii Karasin Imanǵali Tasmaǵambetovtyń sózimen kelise otyra, qos memleket arasynda qandai da másele bolmasyn eki jaqty, kópjaqty kelissózder arqyly sheshilip júrgenin erekshe atap ótti.
"Qazaqstan men Resei arasyndaǵy jańasha qarym-qatynastar joq jerden paida bolǵan joq. Keńes úkimeti ydyraǵan soń táýelsiz memleketter tosynnan shyǵatyn máselelerdi ainalyp ótýge meilinshe tyrysty", – dedi resei diplomaty. Onyń paiymdaýynsha, qos el de bailanystyń tereńdei túsýin qalaidy. Qazaqstan Prezidenti Nursultan Nazarbaevtyń bastamasymen qurylǵan TMD, ODKB, BUU, EQYU, ShYU uiymdardyń beldi músheleri.
G.Karasinniń pikirinshe, Qazaqstan men Resei arasyndaǵy strategiialyq bailanystyń artýy eń aldymen eki el basshylary arasyndaǵy saiasi senimdilik pen dástúrli dostyq qarym-qatynasqa negizdelip otyr.
Atalǵan konferentsiiaǵa qatysqan azamattar Qazaqstan men Reseidiń yntymaqtastyǵyna jol ashatyn kóptegen faktorlar bar ekenin aitty. Bul ortaq tarih, 7 myń km-ge uzaqtyqqa sozylatyn ortaq shekara, ortaq til jáne uqsas dil. Sondyqtan tatý kórshilik pen teń quqyqty yntymaqtastyqtan basqa qandai da bir ózge saiasat eki memlekettiń túbirli múddelerine qaishy keledi.
Onyń ústine eki eldiń ózara is-qimylynyń tereń qatparly faktorlary Astana men Máskeýdiń kóptegen kókeitesti halyqaralyq problemalarǵa kózqarastarynyń jaqyndyǵyn aiqyndaidy. Munyń ózi ǵalamdyq jáne aimaqtyq qaýipsizdikti qamtamasyz etýge baǵyttalǵan syrtqy saiasi ózara is-qimylǵa, bastamalardy eki jaqty qoldaýǵa járdemdesedi. Halyqaralyq sahnadaǵy yntymaqtastyq ózara qarym-qatynastyń sapaly jańa deńgeiine – strategiialyq áriptestik deńgeiine kóterilýge múmkindik beredi, bul degenimiz eki memleket basshylarynyń turaqty bailanystaryn qosa alǵanda, barlyq deńgeilerdegi jan-jaqty bailanystardy bildiredi.
Atalǵan sharaǵa RF Prezident ákimshiliginiń ókilderi qos eldiń diplomattary, beldi sarapshylary men jýrnalisteri qatysty.
