Imanǵali Tasmaǵambetov QR premer-ministriniń orynbasary bolyp taǵaiyndaldy, - dep habarlaidy "Ult aqparat".
Imanǵali Tasmaǵambetov QR Prezidentiniń kómekshisi, QR premer-ministriniń orynbasary, mádeniet jáne bilim ministri qyzmetterinde boldy. Al 2002 jyldan QR premer-ministri qyzmetin atqarǵan. 2014 jyldyń qazan aiynan QR Qorǵanys ministri bolyp jumys istedi.
1956 jyly jeltoqsannyń 9 Gýrev oblysy, Mahambet aýdany, Novobogat aýylynda dúniege kelgen. 1979 jyly Oral qalasynyń A. S. Pýshkin atyndaǵy pedagogikalyq institýtynyń geografiia men biologiia pánderiniń muǵalimi mamandyǵy boiynsha diplomyn aldy. 1990 jyly «Dúnietaný aspektileriniń ekologiialyk problemasy» taqyryby boiynsha dissertatsiiasyn qorǵap, filosofiia ǵylymdarynyń kandidaty ataǵyna ie boldy. 7 jyldan keiin ol «Tranzittik saiasi júielerindegi áleýmettik saiasat» ǵylymi zertteý jumysyn tańdap, saiasattaný ǵylymdarynyń doktory bolyp atandy. 1981 jyldan 1991 jylǵa deiin KOKP OK-ń múshesi, 1990—91 jyldarda Qazaqstan kompartiiasynyń OK Politbiýro múshesi boldy. Qazaqstan Recpýblikasynyń 12 shaqyrylǵan Joǵarǵy Keńesiniń depýtaty bolyp sailandy. Eńbegi men saiasi ómirbaiany sol kezdegi jalǵyz jastar saiasi uiymy — Qazaqstannyń LKJO-da basshylyq qyzmetimen bailanysty. 1979 jyldan Mahambet aýdanyndaǵy LKJO uiymdastyrý bóliminiń meńgerýshisi, Gýrev LKJO qalalyq komitetiniń jáne oblystyq komitetiniń birinshi hatshysy boldy. 1989 jyly LKJO OK, 1991 jyly Qazaqstan Respýblikasynyń jastar isi jónindegi Memlekettik komitetin basqardy. 1993 jyly I. Tasmaǵambetov Qazaqstan Respýblikasynyń prezidentiniń kómekshisi bolyp taǵaiyndaldy. 1995 jyldan bastap el basqarýshy qyzmetinde joǵarǵy oryndardy atqaryp, Qazaqstannyń vitse-premeri, bilim jáne mádeniet vitse-premer-ministri, Qazaqstan Respýblikasynyń Prezidenti ákimshiliginiń jetekshisiniń orynbasary, Qazaqstan Prezidentiniń birinshi kómekshisi, Atyraý oblysynyń ákimi, Qazaqstan premer-ministri, Memlekettik hatshy, Qazaqstan Prezidenti ákimshiliginiń jetekshisi bolady. 2004—2008 jj. 1,5 mln turǵyny bar Qazaqstannyń eń iri qalasy Almatynyń ákimi qyzmetin atqaryp keldi. 2008 j. sáýirdiń 4 Qazaqstannyń elordasy — Astana qala ákimi bop taǵaiyndaldy. QR Qaýipsizdik Keńesiniń múshesi, «Mádeni mura» atty Memlekettik baǵdarlamanyń qoǵamdyq keńesiniń tóraǵasy, IýNESKO isi jónindegi QR Ulttyq komissiasynyń tóraǵasy, Qazaqstan Respýblikasynyń oqpen atý Federatsiiasynyń qurmetti prezidenti, akademik A.H. Marǵulan atyndaǵy Halyqaralyq qor basqarmasynyń tóraǵasy. I. Tasmaǵambetov Mońǵoliiaǵa, Batys Qazaqstanǵa jáne Resei Federatsiiasynyń Astrahan oblysyna (Kaspii: munai jáne mádeniet) jáne t.b. jerlerge Halyqaralyq mádeniettanýshylyq ekspeditsiialar uiymdastyrǵan.Sonyń nátijesinde 2000j. Mońǵoliiadan Qazaqstanǵa ejelgi túbegeili Kúl-tegin tas hatynyń kóshirmesi ornatyldy. Qazaq mádenieti men tarihynyń muralaryn jańǵyrtyp, kópshilikke jetkizýge taǵy basqa kóp jumys atqarǵan qairatker. Onshaqty kitaptardyń jáne kóptegen ǵylymi eńbekterdiń avtory. Mádeniettaný, memlekettik basqarý, áleýmettik-ekonomikalyq órkendeý problemalary jáne saiasattanýǵa bailanysty maqalalardyń avtory.
