© instagram/imanbekmusic
"Gremmi" syilyǵynyń iegeri saýnd-prodiýser Imanbek Zeikenov Rahmet World Tour atty álemdik týr ótkizetinin jariialady. Kontsert Eýropa men Amerika qalalarynda ótedi, - dep habarlaidy Tengrinews.kz.
Mýzykant aldaǵy kontsertterdiń kestesin Instagram-paraqshasynda jariialady.
"Aqyry "Rahmet" týry jariialandy. Kúnderge nazar aýdaryńyzdar", - dep jazdy Imanbek.
Birinshi shoý biyl 8 sáýirde Niý-Iorkte ótedi. Ázirge 24 kontsert týraly aqparat jariialandy.
"Manhettenniń túngi ómiriniń basty qalasy Niý-Iorkte jalǵyz ári qaitalanbas Imanbekti qarsy alý úshin bizge qosylyńyz", - delingen Harbor túngi klýbynyń paraqshasynda.
Álemdik týr 25 qyrkúiekke deiin jalǵasady. Osy ýaqyt ishinde ol Kanada, Shvetsiia, Norvegiia, Italiia, AQSh, Latyn Amerikasy jáne basqa da elderde óner kórsetedi. Sońǵy shoý Germaniiada ótedi, onda Imanbek Lollapalooza festivaline qatysady.
Eske salaiyq, 21 jastaǵy Imanbek Zeikenov Grammy nominatsiiasyn jeńip alǵan alǵashqy qazaqstandyq atanǵan edi. Ol SAINt jhn-niń Roses kompozitsiiasyna remiks jasaǵany úshin úzdik dep tanylǵan. Onyń nusqasyndaǵy Roses hit bolyp, 20 aptadan asa ýaqyt qatarynan Billboard Hot 100 chartynyń úzdik ondyǵynda turǵan.
Sonymen qatar, 2021 jylǵy jeltoqsannyń aiaǵynda Imanbek "MTV Rossiia" nusqasy boiynsha jyl mýzykanty atanǵan bolatyn.
