Foto: Instagram.com
Imam, dintanýshy jáne psiholog Nurlan Baijigituly AQSh-ta Aq úide uiymdastyrylǵan qaiyrymdylyq tańǵy asyna qatysty, dep habarlaidy Ult.kz.
Qaiyrymdylyq shara barysynda AQSh prezidenti Donald Tramp din bostandyǵy týraly sóz qozǵapty. Bul týraly Nurlan imam áleýmettik jelidegi paraqshasynda jazdy.
«Amerika Qurama Shtatynyń 45-shi jáne 47-shi Prezidenti Donald Tramp myrza qaiyrymdylyq sharada sóz sóiledi. Ol «Qudaiym meni atqan adamǵa óltirtpei, sizderdiń aldaryńyzǵa shyǵarýy - bul elim úshin syi ári meniń kóp dúnielerdi jaqsy jaǵyna ózgertýime sebep» dep aitqany. Bul sózin Vashingtonda tap meniń aldymda aitqany maǵan úlken áser berdi. Otyrǵan ornym da týra aldyna túsken eken. Qasymda Armeniia, Kosovo, Ýkraina jáne t.b. memleketterdiń prezidentteri otyrdy», - dedi Nurlan Baijigituly.
Vashingtonda jyl saiyn aqpan aiynda dástúrli túrde ótetin bul rýhani tańǵy asqa amerikalyq saiasatkerler, kásipkerler jáne sheteldik qonaqtar qatysady. Bul dástúr alǵash ret 1953 jyly AQSh-tyń 34-shi prezidenti Dýait Eizenhaýerdiń bastamasymen bastalǵan.
