«Jastar jyly» aiasynda «A kind heart» qoǵamdyq birlestigi qolǵa alǵan jobaǵa Qazaqstannyń túkpir-túkpirinen 969 ótinim túsip, 233 adam tolyqqandy videoblog túsirgen. Olardyń 15-i ǵana aqtyq synǵa ótken.
Baiqaý sharty boiynsha qatysýshylar óziniń týǵan qalasy nemese aýyly týraly beinerolik túsirip, onda kórikti jerlerdi kórsetýi, týrister úshin qyzyqty málimetter usynýy kerek bolatyn.
«Úmitkerlerdiń 40 paiyzy - Almatydan, 13 paiyzy - Nur-Sultannan. Qalǵan jumystar Óskemen, Shymkent, Semei, Aqtaý, Kókshetaý, Qaraǵandy, Býrabai, Qostanai, Túrkistan, Pavlodar qalalarynan tústi. Aýdandar men aýyldardan da rolik jibergender bar. Olardyń jumysyn quramyna belgili sheteldik jáne otandyq blogerler engen qazylar alqasy baǵalaidy», - deidi «A kind heart» qoǵamdyq birlestigi taratqan aqparatta.
Buǵan deiin habarlaǵanymyzdai, eń úzdik videorolik avtory bas júldege 1 mln teńge alady. Ekinshi orynǵa – 500 myń teńge, úshinshi orynǵa 300 myń teńge beriledi. Báige qorytyndysy boiynsha, finalǵa jetken qatysýshylar Qazaqstandaǵy YouTube kompaniiasynyń resmi ókilimen kelisimshartqa otyryp, óz arnalarynyń daýmyna qatysty mamandardan keńes alady. Jeńimpazdardy quttyqtaý saltanatty rásimi 24-25 tamyzda Nur-Sultan qalasynda uiymdastyrylatyn «Qazaqstandy asha otyryp» atty halyqaralyq blogerler forýmynda ótedi.
Baiqaý Azamattyq bastamalardy qoldaý ortalyǵy men QR Aqparat jáne qoǵamdyq damý ministrliginiń qoldaýymen iske asyrylýda.
.jpeg)