Irak qaýipsizdik kúshteri shiit musylmandary turatyn aýdandaǵy jarylys bolǵan jerde tur. Baǵdat, Irak, 5 qańtar 2017 jyl.
"Islam memleketi" ekstremistik toby sodyrlary Irak astanasynda búgin jasalǵan terrorlyq shabýyl jaýapkershiligin moinyna alatyny týraly málimdemeni internette jariialady dep habarlaidy Aljazeera.
Jeksenbi kúni Baǵdattaǵy kókónis bazarynda avtokóliktegi bomba jarylyp, saldarynan 12 adam qaza taýyp, 50-den asa adam jaralanǵan.
Bunyń aldynda qańtardyń 2-i kúni Baǵdatta osyǵan uqsas shabýyl saldarynan 35 kisi mert bolǵan edi. Jeltoqsannyń 31-i kúni Irak astanasynda eki jarylystan 28 adam ólip, 50-den asa adam jaralanǵan. Ol shabýyldarǵa da jaýapkershilikti «Islam memleketi» ekstremistik toby ózine alǵan bolatyn.
Sarapshylar Irak armiiasy byltyr kúzde Mosýl qalasyn IM tobynan azat etý operatsiiasyn bastaǵannan keiin terrorlyq shabýyldar jiilep ketkenin aitady.
