Qazaqstan Respýblikasy Ulttyq Olimpiadalyq komiteti Halyqaralyq Olimpiadalyq komiteti tarapynan aǵzasynan tyiym salynǵan preparattardyń izi tabylǵan 2008 jáne 2012 jyldardaǵy Olimpiada oiyndaryna qatysqan qazaqstandyq sportshy Ilia Ilinge qatysty jaza qoldanylǵandyǵy týraly resmi habarlama aldy.
Halyqaralyq Olimpiadalyq komitetiniń tártiptik komissiiasy 2008 jyly Beijińde jáne 2012 jylyLondonda ótken Olimpiada oiyndarynyń jeńimpazy, 94 kg salmaq dárejesinde óner kórsetken qazaqstandyq aýyr atlet Ilia Ilinniń «A» jáne «V» doping synamalarynyń qosymsha tekserý qorytyndysy boiynsha qazaqstandyq sportshyny sol Oiyndardan shettetip, kórsetken nátijeleriniń kúshin joiyp, júldelerin qaitaryp alý týraly sheshim shyǵardy.
Sportshyǵa qoldanylatyn jazanyń merzimin Halyqaralyq aýyr atletika federatsiiasy(IWF) anyqtaidy, deidi QR UOK.
Esterińizge sala keteiik, «ádil sport» qaǵidalary men taza sportshylardy qorǵaý jáne dopingti qoldanýǵa «nóldik tózimdilik» saiasatyn qoldaý – Halyqaralyq Olimpiadalyq komiteti men Qazaqstan Respýblikasy Ulttyq Olimpiadalyq komiteti qyzmetiniń basty baǵyty. QR UOK Halyqaralyq Olimpiadalyq komiteti tarapynan tanylǵan elimizdegi jalǵyz uiym, sonymen qatar Olimpiadalyq Hartiia men Búkilálemdik dopingke qarsy Kodeksin tanyp, álemdik dopingke qarsy qozǵalystyń múshesi bolyp tabylady.
"Ult aqparat"
