Qazaqstandyq tanymal sportshy Ilia Ilin aǵasy Alekseidiń ustalǵany týraly aqparatqa qatysty pikir bildirdi, - dep habarlaidy Tengrinews.kz tilshisi.
Aýyr atlet aǵasy Aleksei Ilin 16 aqpanda ustalǵanyn, qazir izoliatorda ekenin aitty.
"Aǵama kelsek, men bul týraly jaqynda bildim. Men úshin de, meniń otbasym úshin de jaǵymsyz jańalyq boldy. Meniń oiymsha, qazir bul másele týraly ashyq aitý meniń quzyretim emes. Tergeý organdary ainalysyp jatyr. Aǵam izoliatorda, ol keshe ustaldy. Oǵan taǵylǵan aiyp boiynsha advokat jumys istep jatyr. Men onymen áli sóilesken joqpyn. Qazir búkil otbasymyzben ony kepilmen shyǵaryp alýdy oilap jatyrmyz", - dedi Ilin.
