Amerikalyq kásipker, Tesla jáne SpaceX kompaniialarynyń negizin qalaǵan Ilon Masktyń dáýleti ótken táýlikte 25,1 mlrd dollarǵa artyp, rekordtyq kórsetkishke jetti. Buǵan 10 naýryzdaǵy Bloomberg Billionaires Index (BBI) derekteri dálel, dep habarlaidy "Ult aqparat".
Qazirgi ýaqytta onyń kapitaly 174 mlrd dollardy quraidy. Ol reitingide kósh bastaǵan Amazon negizin qalaýshysy Djeff Bezostan keiin qaldy. Al onyń bailyǵyn Bloomberg agenttigi 180 mlrd dollarǵa baǵalap otyr.
Óz kezeginde Forbes Real-Time Billionaires jýrnaly reitinginiń málimetine sáikes, Mask óz dáýletin ótken táýlikte 22,6 mlrd dollardan 166,2 mlrd dollarǵa deiin ulǵaitty. Osylaisha, tizimde kapitaly 179,9 mlrd dollar bolatyn Bezostan keiin ekinshi orynda tur.
26 aqpanda Ilon Mask bir táýlikte 14 mlrd AQSh dollaryn joǵaltqan bolatyn. Saýda-sattyq barysynda Tesla kompaniiasynyń aktsiialary 8,6%-ǵa tómendedi.
Mask ǵalamshardaǵy eń bai adamdar tizimindegi kóshbasshylyǵynan aiyryldy. Kóshbasshylyq Amazon-nyń negizin qalaýshyǵa aýysty.
