Ázerbaijan prezidenti Ilham Aliev memleket basshysy Nursultan Nazarbaevqa quttyqtaý hat joldady. Bul týraly ÁR prezidentiniń saitynda habarlanǵan.
"Ózimniń jáne Ázerbaijan halqynyń atynan Sizdi jáne halqyńyzdy Qazaqstan Respýblikasynyń ulttyq meiramy – Táýelsizdik kúnimen shyn júrekten quttyqtaimyn", — delingen hatta.
Ol baýyrlas Qazaqstan memlekettilikti nyǵaitý isinde, áleýmettik-ekonomikalyq jáne gýmanitarlyq salalarda edáýir jetistikterge jetip, álemdik qaýymdastyqtyń belsendi jáne bedeldi múshesi atanǵanyn atap ótti.
"Ázirbaijan-Qazaqstan memleketaralyq qarym-qatynasy, ózara senim men qoldaýǵa negizdelgen dostyǵymyz ben seriktestigimiz, birlesken kúsh-jigerdiń arqasynda odan ári dami beretinine senemin", — delingen quttyqtaýda.
Ilham Aliev Nursultan Nazarbaevqa zor densaýlyq, baqyt, al baýyrlas qazaq halqyna beibitshilik pen baq-bereke tiledi.
