Foto: tengrinews.kz
2025 jylǵy 6 tamyzda AQSh-tyń Niý-Iork Ońtústik okrýgi boiynsha Okrýgtik soty dáleldemelerdi zertteý arqyly ótken tyńdaý qorytyndysynda talapkerler – Almaty qalasy men «BTA Bank» AQ paidasyna sheshim shyǵaryp, Iliias Hrapýnovty sotty qurmettemeý aiybymen kináli dep tanydy, dep habarlaidy Ult.kz.
QR Ádilet ministrliginiń habarlaýynsha buǵan deiin qabyldanǵan $221,285.31 tóleý jónindegi mindettemege qosa, Federaldyq sýdia Djon G. Kioltl Hrapýnovtyń óz aktivteri týraly turaqty túrde esep berýdi mindettegen sottyń naqty ári aiqyn buiryǵyn buzǵanyn anyqtady. Mundai esepterdi usyný mindeti oǵan buryn sotty qurmettemeý aiyby boiynsha kináli dep tanylǵannan keiin júktelgen bolatyn.
Jańa sot sheshimine sáikes, Iliias Hrapýnov óz aktivteri jáne oǵan qarsy shyǵarylǵan sot sheshimderin oryndaý úshin aqsha alýǵa jasalǵan áreketter týraly tolyq málimetti turaqty túrde usynýǵa mindetti. Bul talap oryndalmaǵan jaǵdaida oǵan qosymsha qarjylyq sanktsiialar qoldanylýy múmkin. Sondai-aq, Iliias Hrapýnov Almaty qalasy men BTA Bankke sotty qurmettemeýi saldarynan kelgen shyǵyndardy ótep berýge tiis.
