Foto: pexels.com
Almaty oblysy boiynsha Sybailas jemqorlyqqa qarsy qyzmet oblys prokýratýrasymen birlesip birqatar aýyr jemqorlyq qylmystar jasaǵany úshin Ile aýdanynyń ákimin áshkereledi. Bul týraly Antikorǵa silteme jasaǵan Ult.kz habarlaidy.
Ol órt qaýipsizdigi talaptaryn buza otyryp jáne sanitarlyq-epidemiologiialyq baqylaý organdarynyń ruqsatynsyz affiliirlengen kompaniiaǵa qatty turmystyq qaldyqtar poligonyn senimgerlik basqarý quqyǵyn berý arqyly laýazymdyq ókilettikterin teris paidalandy degen kúdikke ilingen.
Sonymen qatar, ol poligondy senimgerlik basqarý merzimin zańsyz uzartý arqyly óziniń laýazymdyq ókilettigin asyra paidalaný boiynsha kúdikti.
Qylmystyq shemaǵa aýdandyq qarjy jáne turǵyn úi-kommýnaldyq sharýashylyq bólimderiniń basshylary tartylǵan.
"Aita ketý kerek, kompaniianyń qatty turmystyq qaldyqtardy kádege jaratý boiynsha shartta kózdelgen mindettemeleri oryndalmaǵan, al onyń qyzmetinen túsken tabys ony jeke baiytýǵa baǵyttalǵan.
Óńir ekologiiasyna quqyqqa qaishy áreketteriniń nátijesinde 204 mln teńge kóleminde zalal keltirildi", - delingen habarda.
Sottyń sanktsiiasymen kúdikti qamaýǵa alyndy. Sotqa deiingi tergeý jalǵasyp jatyr.
