Ile Alataýyna shyqqan reseilik týristiń jaǵdaiy kúrt nasharlaǵan, dep habarlaidy "Ult aqparat".
3 tamyz saǵat 22.10-da Respýblikalyq jedel-qutqarý jasaǵynyń kezekshi bólimine Resei Federatsiiasynan kelgen týrister tobyna qutqarýshylardyń kómegi qajet ekendigi týraly aqparat kelip túsken.
Olardyń jalpy sany - 15 adam. Bul týraly QR TJM resmi ókili Talǵat Ýáli habarlady.
Týrister Sovetter shyńyna kóterilgen. Shyńdy baǵyndyrý kezinde olardyń biriniń jaǵdaiy kúrt nasharlaǵan.
Alaida top ishinde dáriger bolǵandyqtan, ol naýqastanǵan týristiń ót qabynda tas bolýy múmkin ekenin aitqan.
Respýblikalyq jedel-qutqarý jasaǵynyń 8 qutqarýshysy men kinologiialyq top dereý izdestirý-qutqarý jumysyna shyqty.
4 tamyzda týrister Sovetter shyńynyń asýynan (teńiz deńgeiinen 3700 metr biiktikte) tabyldy. Jaǵdaiy nasharlaǵan boijetkenge alǵashqy meditsinalyq kómek kórsetildi.
Bul aimaqtaǵy taýly jer taiaz jáne tik jartasty shógindilerden turatyndyqtan, zardap shekken adamdy zembilmen tasymaldaýǵa bolmaidy.
Sebebi tasymaldaý kezinde qyzdyń jaǵdaiy odan ári nasharlaýy múmkin edi. Almaty qalasynyń qutqarý qyzmeti áýe bortyn usyndy.
Aita ketý kerek, bul top 29 shildede Respýblikalyq jedel-qutqarý jasaǵynda tirkelgendikten qutqarýshylar týristerdiń marshrýtyn bilgen.
Bul izdeý ýaqytyn qysqartýǵa kómektesti. Qazirgi ýaqytta qutqarýshylar áýe kemesin kútýde.
Áýe kemesiniń kómegimen qutqarýshylar zardap shekken adamdy Úlken Almaty shatqalyndaǵy tikushaq alańynda kútip turǵan apattar meditsinasy ortalyǵynyń qyzmetkerlerine deiin jetkizedi.
