ٸلە الاتاۋىنا شىققان رەسەيلٸك تۋريستٸڭ جاعدايى كٷرت ناشارلاعان, دەپ حابارلايدى "ۇلت اقپارات".
3 تامىز ساعات 22.10-دا رەسپۋبليكالىق جەدەل-قۇتقارۋ جاساعىنىڭ كەزەكشٸ بٶلٸمٸنە رەسەي فەدەراتسيياسىنان كەلگەن تۋريستەر توبىنا قۇتقارۋشىلاردىڭ كٶمەگٸ قاجەت ەكەندٸگٸ تۋرالى اقپارات كەلٸپ تٷسكەن.
ولاردىڭ جالپى سانى - 15 ادام. بۇل تۋرالى قر تجم رەسمي ٶكٸلٸ تالعات ۋەلي حابارلادى.
تۋريستەر سوۆەتتەر شىڭىنا كٶتەرٸلگەن. شىڭدى باعىندىرۋ كەزٸندە ولاردىڭ بٸرٸنٸڭ جاعدايى كٷرت ناشارلاعان.
الايدا توپ ٸشٸندە دەرٸگەر بولعاندىقتان, ول ناۋقاستانعان تۋريستٸڭ ٶت قابىندا تاس بولۋى مٷمكٸن ەكەنٸن ايتقان.
رەسپۋبليكالىق جەدەل-قۇتقارۋ جاساعىنىڭ 8 قۇتقارۋشىسى مەن كينولوگييالىق توپ دەرەۋ ٸزدەستٸرۋ-قۇتقارۋ جۇمىسىنا شىقتى.
4 تامىزدا تۋريستەر سوۆەتتەر شىڭىنىڭ اسۋىنان (تەڭٸز دەڭگەيٸنەن 3700 مەتر بيٸكتٸكتە) تابىلدى. جاعدايى ناشارلاعان بويجەتكەنگە العاشقى مەديتسينالىق كٶمەك كٶرسەتٸلدٸ.
بۇل ايماقتاعى تاۋلى جەر تاياز جەنە تٸك جارتاستى شٶگٸندٸلەردەن تۇراتىندىقتان, زارداپ شەككەن ادامدى زەمبٸلمەن تاسىمالداۋعا بولمايدى.
سەبەبٸ تاسىمالداۋ كەزٸندە قىزدىڭ جاعدايى ودان ەرٸ ناشارلاۋى مٷمكٸن ەدٸ. الماتى قالاسىنىڭ قۇتقارۋ قىزمەتٸ ەۋە بورتىن ۇسىندى.
ايتا كەتۋ كەرەك, بۇل توپ 29 شٸلدەدە رەسپۋبليكالىق جەدەل-قۇتقارۋ جاساعىندا تٸركەلگەندٸكتەن قۇتقارۋشىلار تۋريستەردٸڭ مارشرۋتىن بٸلگەن.
بۇل ٸزدەۋ ۋاقىتىن قىسقارتۋعا كٶمەكتەستٸ. قازٸرگٸ ۋاقىتتا قۇتقارۋشىلار ەۋە كەمەسٸن كٷتۋدە.
ەۋە كەمەسٸنٸڭ كٶمەگٸمەن قۇتقارۋشىلار زارداپ شەككەن ادامدى ٷلكەن الماتى شاتقالىنداعى تٸكۇشاق الاڭىندا كٷتٸپ تۇرعان اپاتتار مەديتسيناسى ورتالىعىنىڭ قىزمەتكەرلەرٸنە دەيٸن جەتكٸزەدٸ.
