Almaty qalalyq mamandandyrylǵan tabiǵat qorǵaý prokýratýrasy Ile Alataýy ulttyq parki jumysynyń zańdylyǵyn tekserdi, dep habarlaidy "Ult aqparat" qalalyq prokýratýranyń baspasóz qyzmetine silteme jasap.
Tekserý barysynda ulttyq park aýmaǵynda júrip-turý quny negizsiz qymbattaǵany anyqtaldy.
Atap aitqanda, Salyq kodeksinde ekologiialyq posttarda ótý quny 0,1 AEK - 252 teńge dep belgilengen. Al Ulttyq park basshylyǵy 2018 jyldyń 1 maýsymynda týristik marshrýttardy, soqpaqtardy, qaraý alańdaryn paidalanǵandarǵa qosymsha 200 teńgeden tarif belgileý týraly buiryq shyǵarǵan.
Biraq bul tarif boiynsha birqatar shekteý bar. Máselen bul tarif maýsym-qazan ailary aralyǵynda ǵana alynady. Ári kelýshilerdiń kópshiligi týristik marshrýtqa shyqpai, tek qana dámhana men demalys oryndaryna ǵana barǵan. Alaida Ulttyq park basshylyǵy bul tarifti kelýshilerden jyl boiy úzdiksiz alyp otyrǵan.
Sonymen qatar, arnaiy prokýratýra park basshylyǵy tarapynan kelýshilerge týristik marshrýtqa shyǵý úshin arnaiy jaǵdai jasalmaǵanyn aitty. Osyǵan bailanysty mamandandyrylǵan tabiǵat qorǵaý prokýrorynyń talabymen Ulttyq parktiń buiryǵy kúshin joidy. Endi Ile Alataýy parkine demalýǵa kelgender 452 teńge emes, 252 teńge ǵana tóleitin boldy.
Al park ákimshiligine saralanǵan tarif engizýdi qolǵa alý usynyldy.
