الماتى قالالىق مامانداندىرىلعان تابيعات قورعاۋ پروكۋراتۋراسى ٸلە الاتاۋى ۇلتتىق پاركٸ جۇمىسىنىڭ زاڭدىلىعىن تەكسەردٸ, دەپ حابارلايدى "ۇلت اقپارات" قالالىق پروكۋراتۋرانىڭ باسپاسٶز قىزمەتٸنە سٸلتەمە جاساپ.
تەكسەرۋ بارىسىندا ۇلتتىق پارك اۋماعىندا جٷرٸپ-تۇرۋ قۇنى نەگٸزسٸز قىمباتتاعانى انىقتالدى.
اتاپ ايتقاندا, سالىق كودەكسٸندە ەكولوگييالىق پوستتاردا ٶتۋ قۇنى 0,1 اەك - 252 تەڭگە دەپ بەلگٸلەنگەن. ال ۇلتتىق پارك باسشىلىعى 2018 جىلدىڭ 1 ماۋسىمىندا تۋريستٸك مارشرۋتتاردى, سوقپاقتاردى, قاراۋ الاڭدارىن پايدالانعاندارعا قوسىمشا 200 تەڭگەدەن تاريف بەلگٸلەۋ تۋرالى بۇيرىق شىعارعان.
بٸراق بۇل تاريف بويىنشا بٸرقاتار شەكتەۋ بار. مەسەلەن بۇل تاريف ماۋسىم-قازان ايلارى ارالىعىندا عانا الىنادى. ەرٸ كەلۋشٸلەردٸڭ كٶپشٸلٸگٸ تۋريستٸك مارشرۋتقا شىقپاي, تەك قانا دەمحانا مەن دەمالىس ورىندارىنا عانا بارعان. الايدا ۇلتتىق پارك باسشىلىعى بۇل تاريفتٸ كەلۋشٸلەردەن جىل بويى ٷزدٸكسٸز الىپ وتىرعان.
سونىمەن قاتار, ارنايى پروكۋراتۋرا پارك باسشىلىعى تاراپىنان كەلۋشٸلەرگە تۋريستٸك مارشرۋتقا شىعۋ ٷشٸن ارنايى جاعداي جاسالماعانىن ايتتى. وسىعان بايلانىستى مامانداندىرىلعان تابيعات قورعاۋ پروكۋرورىنىڭ تالابىمەن ۇلتتىق پاركتٸڭ بۇيرىعى كٷشٸن جويدى. ەندٸ ٸلە الاتاۋى پاركٸنە دەمالۋعا كەلگەندەر 452 تەڭگە ەمەس, 252 تەڭگە عانا تٶلەيتٸن بولدى.
ال پارك ەكٸمشٸلٸگٸنە سارالانعان تاريف ەنگٸزۋدٸ قولعا الۋ ۇسىنىلدى.
